قازاقستاندىق بوكسشىلار وليمپياداعا 9 جولداما ۇتىپ الدى

نۇر- سۇلتان. قازاقپارات - بۇگىن يوردانيانىڭ اممان قالاسىندا بوكستان توكيو وليمپياداسىنا ىرىكتەۋ ءتۋرنيرىنىڭ سوڭعى جارىس كۇنى وتۋدە.

قازاقستاندىق ساكەن بيبوسىنوۆ ەرلەر اراسىندا سەگىزىنشى، جالپى بوكس بويىنشا توعىزىنشى جولدامانى قورجىنعا سالدى، دەپ حابارلايدى Olympic.kz.

52 كەلىدە جۇدىرىقتاسقان ساكەن شيرەك فينالدا جەڭىلىس تاپقان بولاتىن. ىرىكتەۋ باسەكەسىنىڭ ەرەجەسى بويىنشا، بۇل سالماقتا تاعى ءبىر جولداما ساراپقا سالىندى.

بيبوسىنوۆ شيرەك فينالدا جەڭىلىس تاپقان فيليپپين وكىلى كارلو پاالاممەن قۇرلىقتىق تۋرنيردەگى سوڭعى جولداماعا تالاستى.

جەكپە- جەكتىڭ ءۇش كەزەڭىندە دە تورەشىلەر جەڭىستى ساكەنگە بەردى. ءبىرىنشى جانە ءۇشىنشى راۋندتا بيبوسىنوۆ 4:1 ەسەبىمەن العا شىقسا، ەكىنشى اينالىمدا 3:2 ەسەبىمەن باسىم ءتۇستى.

وسىلايشا، عالىمبەك كەنجەبايەۆ جاتتىقتىراتىن بوكستان قازاقستان كومانداسى توكيو وليمپياداسىنىڭ مۇمكىن بولعانىن سەگىز جولداماسىن دا جەڭىپ الدى.