يراندا ناۋرىز مەيرامىندا كەڭسەلەر 9 كۇنگە جابىلادى - مىرزاتاي جولداسبەكوۆ
بۇل تۋرالى ورتالىق كوممۋنيكاتسيالار قىزمەتىندە وتكەن «ناۋرىز مەيرامىن مەرەكەلەۋدىڭ جاڭا تاسىلدەرى» تاقىرىبىنداعى بريفينگتە ايتىلدى، دەپ حابارلايدى قازاقپارات ءتىلشىسى.
«مەن يراندا ەلشى بولعانمىن. سول كەزدە ناۋرىز مەيرامى كەزىندە ەلدەگى كەڭسە اتاۋلى 9 كۇنگە جابىلىپ، ەشبىر ادام شەتەلگە شىقپاي، ءبارى بالا- شاعاسىن الىپ، تۋعان جەرىنە كەتەتىن. اتاقونىسىنا بارىپ، تۋعان- تۋىستارىمەن كورىسەتىن» ، - دەيدى مەملەكەت جانە قوعام قايراتكەرى مىرزاتاي جولداسبەكوۆ.
ونىڭ ايتۋىنشا، ناۋرىز مەيرامىن مەرەكەلەۋ تۋرالى جاڭا تۇجىرىمداما كوڭىلىنەن شىققان.
«19 -ناۋرىز «زياتكەرلىك كۇنى» دەپ بەلگىلەنىپتى. ماقال- ماتەل، جۇمباق، جاڭىلتپاش، جىرلار مەن ەپوستاردان ۇزىندىلەر وقۋ جىل بويى جالعاسىن تابۋى كەرەك دەپ ويلايمىن. قازىرگى ۋاقىتتا ۇلتتىق تاعامدار ۇمىتىلا باستادى، ونىڭ وسى تۇجىرىمداماعا كىرگەنى مەنى قۋانتىپ وتىر» ، - دەيدى ول.