جۇرەگى مينۋتىنا 9 رەت قانا سوعادى: كيتتەردىڭ باسقا تىرشىلىك يەلەرىنەن ەرەكشەلىكتەرى قانداي

نۇر-سۇلتان. قازاقپارات – بۇگىن – بۇكىل الەمدىك كيتتەر كۇنى. 1986 -جىلدىڭ 19 - اقپانىنان باستاپ كيتتەردى كوممەرتسيالىق ماقساتپەن اۋلاۋعا موراتوريي ەنگىزىلدى. سودان بەرى بۇل كۇن بۇكىلالەمدىك مەرەكە بولىپ بەكىتىلدى.

مەيرامنىڭ ماقساتى - تەڭىز بەن مۇحيت مەكەندەۋشىلەرىن قورعاپ، تابيعاتقا قامقورلىقپەن قاراۋعا قوعامنىڭ نازارىن اۋدارۋ. كيتتەر شامامەن 55 ميلليون جىل بۇرىن پايدا بولعان. كوپتەگەن ەلدە كيت اۋلاۋعا زاڭمەن تىيىم سالىنعان. ولاردىڭ باسقا تىرشىلىك يەلەرىنەن ەرەكشەلەنەتىن بىرنەشە قاسيەتى بار.

الەمدەگى ەڭ ءىرى سۇتقورەكتى

ورتاشا ەسەپپەن كيتتەردىڭ ۇزىندىعى 22 مەتردەن 27 مەترگە دەيىن جەتەدى. ال ونىڭ جۇرەگى 600-700 ك گ بولادى. الەمدەگى ەڭ ۇلكەن كيت 1926 -جىلى ۇستالعان، ونىڭ ۇزىندىعى 33 مەتر، ال سالماعى كەم دەگەندە 150 توننا بولعان.

داۋىستارى زور

سونىمەن قاتار كوك كيتتەر - بارلىق تىرشىلىك يەلەرىنىنىڭ ىشىندەگى ەڭ قاتتى داۋىس شىعارا الاتىن تابيعات يەسى. باسقا كيتتەر ونىڭ داۋىسىن 16000 ك م استام قاشىقتىقتان ەستي الادى.

ەستۋ مۇشەسى جوق

كيتتەردە باسقا جانۋارلارداعى سياقتى ءداستۇرلى ەستۋ مۇشەلەرى، ياعني قۇلاقتارى جوق. ولار دىبىستاردى جاقتارى ارقىلى ەستيدى. كيتتەردىڭ كورۋ قابىلەتى ناشار جانە ءيىس سەزبەيتىن بولعاندىقتان، ولار ەستۋ ارقىلى عانا سۋ استىندا باعىت- باعداردى انىقتاپ، قارىم- قاتىناس ورناتادى جانە ازىقتارىن تابا الادى.

كۇنىنە ميلليون كالوريا تۇتىنادى

ولار 8 اي بويى ەشتەڭە جەمەي، جيناقتالعان مايدىڭ ارقاسىندا تىرشىلىك ەتەدى. الايدا جاز بويى كۇنىنە 3 تونناعا دەيىن توقتاۋسىز تاماقتانادى. كيتتەردىڭ نەگىزگى راتسيونى بالدىرلار مەن ۇساق شايان تارىزدىلەردەن تۇرادى. كەيدە ولار كىشكەنتاي بالىقتاردى جەيدى.

جۇرەگى باياۋ سوعادى

كيت ءبىر سەكۋندتا ەكى مىڭ ليترگە جۋىق اۋا شىعارادى. ال جۇرەگى مينۋتىنا 9 رەت قانا سوعادى.

قايتالانبايدى

كيتتەردىڭ قۇيرىعىن ادامداردىڭ ساۋساق ىزدەرىمەن سالىستىرۋعا بولادى. سەبەبى ولاردىڭ قۇيرىق ىزدەرى وزدەرىنە عانا ءتان. ءارقايسىسىندا ەرەكشە ورنەكتەر بار.