دۋبايداعى ەكسپو: قازاقستاننىڭ پاۆيلونىنا 9 ميلليارد تەڭگە ءبولىندى

نۇر-سۇلتان. قازاقپارات - دۋبايدا وتەتىن ەكسپو كورمەسىنە قازاقستاننىڭ دايىندىعى تۋرالى ۇكىمەت باسشىسىنىڭ ورىنباسارى - قارجى ءمينيسترى ءاليحان سمايىلوۆ ايىتپ بەردى، دەپ حابارلايدى قازاقپارات ءتىلشىسى.

«ءبىز تارتىلاتىن ينۆەستيتسيا كولەمىن - 10 ميلليارد دوللارعا جەتكىزۋدى كوزدەيمىز. ول ءۇشىن دۋبايداعى ەكسپو كورمەسىنە قاتىسۋ كەرەك. كورمە 2020-جىلدىڭ 20- قازانىندا باستالىپ، 2021-جىلدىڭ 10- ساۋىرىنە دەيىن جالعاسادى. «مۇمكىندىكتەر» تەحنولوگيالىق كەشەنى اياسىندا قازاقستاننىڭ ۇلتتىق پاۆيلونى قۇرىلادى. وعان الەمنىڭ ءارتۇرلى ينۆەستورلارى كەلەدى»، - دەدى ءاليحان سمايىلوۆ ۇكىمەت وتىرىسىنان كەيىن تىلشىلەرگە.

قارجى ءمينيسترى وسى ماقساتتا قانشا قاراجات بولىنەتىنىن دە ايتىپ ءوتتى.

«ۋاقىتشا قۇرىلىم كوتەرۋ ءۇشىن 8,8 ميلليارد تەڭگە (نەمەسە 22 ميلليون دوللار) ءبولىندى. ەگەر قازاقستاننىڭ پاۆيلونىن كەلگەن ينۆەستورلاردىڭ ارقاسىندا ەلىمىزگە قوسىمشا ينۆەستيتسيا تارتىلسا، بولىنگەن قاراجات ءوزىن-ءوزى اقتاپ، جاڭا وندىرىستەردى ىسكە قوسۋعا، جۇمىس ورىندارىن اشىپ، سالىق تۇسىمدەرىن ارتتىرۋعا جول اشىلادى. سول سەبەپتى، اتالمىش كورمەگە قاتىسۋدىڭ ماڭىزى زور. مىنە، سوندىقتان دا وسىنداي قاراجات ءبولىنىپ وتىر»، - دەدى ول.