قازاقستاننان شىعارىلعان اككۋمۋلياتورلار 9 ەلگە ەكسپورتتالۋدا

نۇر-سۇلتان. قازاقپارات – ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ وتاندىق اككۋمۋلياتورلارعا سۇرانىس جوعارى ەكەنىن ايتتى، دەپ حابارلايدى قازاقپارات ءتىلشىسى.

«ەكىنشى يندۋستريالىق بەسجىلدىق كەزەڭىندە ماشينا جاساۋدا ءونىم كولەمى 1,2 ەسەگە ءوستى. ماشينا جاساۋدا اۆتوونەركاسىپ ۇلەسى 26 پايىزعا دەيىن ارتتى. وسى رەتتە شاعىرىلعان اۆتوموبيلدەر تىزبەسى كەڭەيتىلدى. اتاپ ايتقاندا، سالادا ونىمدەردىڭ جاڭا تۇرلەرى يگەرىلدى. ولاردىڭ اراسىندا اقپاراتتىق-كوممۋنيكاتسيالىق جابدىقتار، مودەمدەر، بۇراندالى ناسوستار، جارىقتاندىرۋ قۇرىلعىلارى، ورتالىق كونديتسيونەرلەرى جانە باسقا دا ونىمدەر بار»، - دەدى مينيستر مەملەكەت باسشىسى قاسىم-جومارت توقايەۆتىڭ قاتىسۋىمەن وتكەن «التىن ساپا» سىيلىعىن تابىستاۋ راسىمىنە ارنالعان جيىندا.

ب. اتامقۇلوۆتىڭ سوزىنە قاراعاندا، ەكسپورتقا نەگىزدەلگەن توڭازىتقىش ۆاگونداردى شىعارۋ رەتكە كەلتىرىلگەن.

«ءبىز ورتالىق ازيادا العاش بولىپ اسا قۋاتتى ترانسفورماتورلار ءوندىرىسىن يگەردىك. يندۋستريالاندىرۋ باعدارلاماسىنىڭ مۇمكىندىكتەرىن ىسكە اسىرۋدىڭ جارقىن ۇلگىسى رەتىندە «قاينار-ا ك ب» ا ق بولىپ وتىر. ءبىزدىڭ اككۋمۋلياتورلار ەكسپورتى 9 ەلدى قامتۋدا. سونىمەن قاتار، حيميالىق ونەركاسىپ، فارماتسيەۆتيكالىق يندۋستريا، جەڭىل ونەركاسىپ سەنىمدى قارقىنمەن ىلگەرىلەپ كەلەدى»، - دەدى مينيستر.

ايتا كەتەيىك، مەملەكەت باسشىسى «التىن ساپا» مەن «پارىز» بايقاۋلارىنىڭ ۇزدىكتەرىن ماراپاتتادى.