+7 (701) 759 90 19
-8 °С : نۇر-سۇلتان
-1 °С : الماتى
USD 380.19 EUR 419.01
RUB 6.08 CNY 54.81
جاڭالىقتار

ءۇي قيسايماعان: الماتىداعى 9 قاباتتى ءۇيدىڭ احۋالى جايلى اكىمدىك جاۋابى

11 جەلتوقسان 17:31
:ءبولىسۋ
ءۇي قيسايماعان: الماتىداعى 9 قاباتتى ءۇيدىڭ احۋالى جايلى اكىمدىك جاۋابى

الماتى. قازاقپارات - الماتى اكىمدىگى زەردەلى شاعىناۋدانىنداعى 9 قاباتتى №1/179 ءۇيدىڭ احۋالىن تەكسەرگەن كوميسسيانىڭ قورىتىندىسىن شىعاردى، دەپ حابارلايدى قازاقپارات ءتىلشىسى.

قالالىق ت ج د كەزەكشى بولىمىنە بۇگىن تۇرعىندار حابارلاسىپ ءۇيدىڭ قيسايىپ بارا جاتقانىن ايتىپ دابىل قاققان ەدى. تۇرعىنداردىڭ شاعىمىن تەكسەرۋ ءۇشىن اكىمدىك شۇعىل جۇمىس كوميسسياسىن جيناعان بولاتىن.

«جەلتوقساننىڭ 10-نان 11-ىنە قاراعان ءتۇنى قالالىق ىڭعايلى ورتا باسقارماسىنىڭ ماماندارى وقيعا ورنىنا شىققان بولاتىن. ۆيزۋالدى تەكسەرۋ بارىسىندا قاتتى اۋىتقۋ بايقالماعان. بۇگىن «الماتى باس جوسپارى» عىلىمي زەرتتەۋ ينستيتۋتىنىڭ ماماندارى مۇنىڭ الدىندا قويىلعان بەلگىلەردى تەكسەرىپ شىقتى. ناتيجەسىندە ەشبىر اۋىتقۋ بايقالمادى»، - دەدى باسقارمادان.

زەردەلى اۋدانىنداعى 9-قاباتتى ءۇي وسىدان بىرنەشە جىل بۇرىن ىرگەسى سوگىلىپ، ءبىر قىرىنا قيسايىپ قالعان بولاتىن. سول كەزدە قۇزىرلى ورگانداردان شۇعىل شتاب قۇرىلىپ، ءۇيدىڭ ىرگەسى بەكىتىلىپ، كۇشەيتىلگەن ەدى. سودان بەرى ارنايى قۇرىلعان جۇمىس توبى بۇل نىساندى ۇنەمى باقىلاۋدا ۇستاپ كەلەدى. جۇمىس توبى قويىلعان بەلگىلەردى اي سايىن تەكسەرىپ وتىرادى. سوڭعى رەت بەلگى 12- قاراشادا قويىلعان.

«قازاق قۇرىلىس جانە ساۋلەت عىلىمي زەرتتەۋ جانە جوبالاۋ ينستيتۋتى» اكسيونەرلىك قوعامى ماماندارى ءۇيدىڭ اينالاسىنداعى توپىراقتى زەرتتەگەن سوڭ ىرگەتاسى كۇشەيتىلەتىن بولادى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات