الماتى تۇرعىندارى 9 قاباتتى ءۇيدىڭ قيسايعانىن ايتىپ، دابىل قاعىپ جاتىر

الماتى. قازاقپارات - الماتىداعى «زەردەلى» شاعىن اۋدانىنىڭ تۇرعىندارى تۇرعىن ءۇيدىڭ قيسايعانىنا الاڭداۋلى، دەپ حابارلايدى قازاقپارات ءتىلشىسى.

بۇل اقپاراتتى تەكسەرۋ ءۇشىن مەملەكەتتىك ورگاندار جۇمىس توبىن قۇردى.

«10-جەلتوقسان ساعات 21.10-دا ت ج د كەزەكشى بولىمىنە الاتاۋ اۋدانىنىڭ تۇرعىندارى شۇعىل حابارلاسقان. «زەردەلى» شاعىن اۋدانىندا ورنالاسقان № 1/179-ءۇي، 6-پاتەردىڭ يەسى ءۇيدىڭ قيسايىپ تۇرعانىن بايانداعان. وسىعان بايلانىستى مەملەكەتتىك ورگانداردان ارنايى جۇمىس توبى قۇرىلدى. جۇمىس توبى وقيعا ورنىنا شىقتى. تۇرعىنداردىڭ پىكىرىنشە، ءۇيدىڭ سىرتىنان قاراعاندا قيسايعانى بايقالادى. ءقازىر ماماندار بۇل اقپاراتتى تەكسەرىپ جاتىر»، - دەدى ت ج د باسپا ءسوز قىزمەتىنەن.

ۋاكىلەتتى ورگانداردىڭ وكىلدەرى وقيعا ورنىندا جۇمىس ىستەپ جاتىر.