جاپونيالىق 9 جاسار بالا ماتەماتيكادان ج و و- عا ارنالعان تەست تاپسىرىپ، رەكورد ورناتتى
تەست ۇيىمداستىرۋشىلارىنىڭ ايتۋىنشا، ول تاپسىرمانىڭ بارلىعىن ورىنداعان ەڭ جاس تەست قاتىسۋشىسى بولعان، دەپ حابارلايدى قازاقپارات Kyodo News كە سىلتەمە جاساپ.
حەگو پرەفەكتۋراسى نيسينومي قالاسىنداعى باستاۋىش مەكتەپتىڭ 4-سىنىپ وقۋشىسى شوگو اندو (Shogo Ando) وسى جىلدىڭ قازانىندا سۋگاكۋ كەنتەي تەستىنىڭ العاشقى كيۋ تەست جوعارى دەڭگەيىن تاپسىرعان.
اندو حيروتو تاكاحاسي (Hiroto Takahashi) ورناتقان رەكوردتى جاڭارتقان. ول بۇل تەستتى 11 جاسىندا تاپسىرعان بولاتىن. اندو تەستىلەۋگە جەتى جاسىنان دايىندالعان. بالانىڭ ايتۋىنشا، ول ماتەماتيكادان العان ءبىلىمىن قوعام دامۋىنا جۇمساپ، جاھاندىق جىلىنۋدى تومەندەتۋ سەكىلدى زەرتتەۋلەر جۇرگىزگىسى كەلەدى. سۋگاكۋ كەنتەي تەستى 14 دەڭگەيدەن تۇرادى. ولاردىڭ ءارقايسىسى كۇردەلى جانە ءبىلىمدى قاجەت ەتەدى. ەڭ جەڭىل 14- كەزەڭدى مەكتەپكە دەيىنگى بالالار تاپسىرادى. جىل سايىن 350000 ادام وسى تەستتى تاپسىرادى. العاشقى كيۋ تەستتە ءتۇرلى پاندەر قامتىلعان. 1- كيۋ تەستتىڭ سوڭعى كەزەڭىندەگى ءوتۋ بالى 14,4 پروتسەنتتى قۇرايدى.