+7 (701) 759 90 19
9 °С : نۇر-سۇلتان
7 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

قازاقپارات كۇنتىزبەسى: 9- جەلتوقسان

9 جەلتوقسان 08:08
:ءبولىسۋ
قازاقپارات كۇنتىزبەسى: 9- جەلتوقسان

نۇر-سۇلتان. قازاقپارات - قازاقپارات وقىرماندارىنا 2019-جىلعى 9- جەلتوقسانعا ارنالعان كۇنتىزبەسىن ۇسىنادى.

اتاۋلى كۇندەر

حالىقارالىق جەمقورلىقپەن كۇرەس كۇنى

بىرىككەن ۇلتتار ۇيىمىنىڭ باستاماسىمەن اتاپ وتىلەدى. 2003-جىلى ءدال وسى كۇنى مەكسيكانىڭ مەريدا قالاسىندا وتكەن جوعارى دەڭگەيدەگى ساياسي كونفەرەنسيادا 2003-جىلى 1- قاراشادا باس اسسامبلەيا قابىلداعان ب ۇ ۇ- نىڭ جەمقورلىققا قارسى كونۆەنتسياسى قول قويۋ ءۇشىن اشىلدى. قۇجات بويىنشا وعان قول قويعان مەملەكەتتەر پارا، بيۋجەتتىك قاراجات پەن جەمقورلىق تابىستاردى كادەگە جاراتۋ قىلمىس دەپ جاريالاۋعا مىندەتتەلەدى. كونۆەنتسيا بارلىق قۇرىلىمدارى ۇلتتىق ءال-اۋقاتقا زيان كەلتىرەتىن جەمقورلىق جايلاعان ەلدەر ءۇشىن وتە ماڭىزدى.

حالىقارالىق گەنوتسيد قۇرباندارىن ەسكە الۋ، ولاردىڭ ار-نامىسىنا قۇرمەت كورسەتۋ جانە وسى قىلمىستىڭ الدىن الۋ كۇنى

2015-جىلدىڭ قىركۇيەگىندە ب ۇ ۇ باس اسسامبلەياسى ارمەنيانىڭ باستاماسى بويىنشا 9- جەلتوقساندى حالىقارالىق گەنوتسيد قۇرباندارىن ەسكە الۋ، ولاردىڭ ار-نامىسىنا قۇرمەت كورسەتۋ جانە وسى قىلمىستىڭ الدىن الۋ كۇنى دەپ بەلگىلەدى. 1948-جىلى 9- جەلتوقساندا باس اسسامبلەيانىڭ گەنوتسيد قىلمىسىنىڭ الدىن الۋ جانە ونى جازالاۋ تۋرالى كونۆەنتسياسى قابىلدانعاندىقتان وسى كۇن تاڭدالىپ الىندى.

ەستە قالار وقيعالار

1991-جىلى قازاق ك س ر مينيسترلەر كابينەتىنىڭ قاۋلىسىمەن قازاقستاننىڭ ا. پۋشكين اتىنداعى مەملەكەتتىك كىتاپحاناسى قازاقستان رەسپۋبليكاسىنىڭ ۇلتتىق كىتاپحاناسى بولىپ وزگەردى.

1996-جىلى ەلباسى جارلىعىمەن جەلتوقسان كوتەرىلىسىنە قاتىسىپ، قۇربان بولعان بوزداق قايرات رىسقۇلبەكوۆكە «حالىق قاھارمانى» اتاعى بەرىلدى.

1997-جىلى تەگەراندا يسلام الەمىنىڭ ەكولوگيالىق اپاتتاردان زارداپ شەككەن ايماقتارىنا: ارال تەڭىزىنىڭ باسسەينى مەن سەمەي يادرولىق پوليگون ايماعىنا كومەك كورسەتۋ تۋرالى قارار قابىلداندى.

2008-جىلى قاراعاندىدا ۇلى ابايعا ارنالعان ەسكەرتكىش اشىلدى. ەسكەرتكىش اۆتورى - ءمۇسىنشى اسقار نارتوۆ. بيىكتىگى بەس مەترلىك ءمۇسىن قاراعاندى وبلىسىنىڭ كوركەمدىك-وندىرىستىك كومبيناتىندا قۇيىلعان.

2009-جىلى الماتىدا بەلگىلى كينووپەراتور، حالىق ءارتىسى، كينەماتوگرافيستەر وداعىنىڭ مۇشەسى ەسكەندىر تىنىشبايەۆتىڭ 100 جىلدىعىنا ارنالعان پوشتالىق ماركاسى شىعارىلدى.

ەسكەندىر تىنىشبايەۆ (1909-1995) - قازاقتان شىققان تۇڭعىش كاسىبي كينووپەراتور. ول تۇسىرگەن استام دەرەكتى جانە عىلىمي-كوپشىلىك فيلمدەر قازاقستاننىڭ كينو ءوندىرىسىنىڭ التىن قورىنا ەنىپ، وپەراتورلىق ونەر بويىنشا وقۋ قۇرالىنا اينالدى.

2010-جىلى كەدەن وداعى جوعارى ورگانىنىڭ وتىرىسىندا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ، بەلارۋس رەسپۋبليكاسى پرەزيدەنتى الەكساندر لۋكاشەنكو، رەسەي فەدەراتسياسىنىڭ پرەزيدەنتى - دميتري مەدۆەديەۆ «ءبىرىڭعاي ەكونوميكالىق كەڭىستىك قۇرۋ تۋرالى» دەكلاراتسياعا قول قويدى.

2011-جىلى پولشا رەسپۋبليكاسىندا «پولشا پوشتاسى» ۇلتتىق كومپانياسى قازاقستان تاۋەلسىزدىگىنىڭ 20 جىلدىعىنا وراي ارناۋلى پوشتا ماركالارىن شىعاردى.

ەلىمىز اۋماعىنىڭ كونتۋرى ءتۇسىرىلىپ، قازاقتىڭ ۇلتتىق ويۋىمەن بەزەندىرىلگەن ماركانىڭ بەتىنە «قازاقستاننىڭ تاۋەلسىزدىگىنە 20 جىل» دەپ جازىلدى. مەرەيتويلىق ماركا 500 مىڭ دانامەن شىعارىلدى، نومينالى 2,40 زلوتىح بولدى.

2013-جىلى ق ر پرەزيدەنتى ن. نازاربايەۆ وتباسى مەن نەكەنىڭ ادامگەرشىلىك قۇندىلىقتارىن، وڭ اسەرىن ناسيحاتتاۋ، وتباسىنىڭ قوعامداعى مارتەبەسىن ارتتىرۋ ماقساتىندا جىل سايىن «مەرەيلى وتباسى» ۇلتتىق بايقاۋىن وتكىزۋ تۋرالى وكىمگە قول قويدى.

2016-جىلى وسكەمەن قالاسىنداعى «نازاربايەۆ زياتكەرلىك مەكتەبىنىڭ» وقىتۋشىسى مارات نۇريزينوۆ يتاليادا الەمنىڭ ءتۇرلى ەلدەرىنەن جينالعان بەلگىلى عالىمداردان قۇرالعان كوميسسيانىڭ الدىندا دوكتورلىق ديسسەرتاتسياسىن قورعادى. ونىڭ عىلىمي ەڭبەگىن ريم قالاسىنداعى يتاليا ۇلتتىق كىتاپحاناسىنان وقۋعا بولادى.

2016-جىلى قازاقستانداعى ءۇش ۇلتتىق تەاترعا - كورەي، نەمىس جانە ۇيعىر تەاترلارىنا ەلىمىزدىڭ اكادەميالىق تەاترلارى مارتەبەسىن بەرۋ جونىندە شەشىم قابىلداندى.

2016-جىلى اقتاۋدا قازاقستان اسكەري-تەڭىز كۇشتەرىنىڭ كەمەلەرىنە ارنالعان العاشقى اسكەري پيرس اشىلدى.

2018-جىلى «مادەنيەتتى دامىتۋعا قوسقان سۇبەلى ۇلەسى جانە ءوز ىسىنە ادالدىعى ءۇشىن» قازاقستاننىڭ حالىق ءارتىسى روزا رىمبايەۆا رەسەيدىڭ «ۇلتتىق ايبىن» سىيلىعىمەن ماراپاتتالدى. سالتاناتتى ماراپاتتاۋ ءراسىمى ماسكەۋدىڭ كرەمل مەملەكەتتىك سارايىندا وتكەن.

«ۇلتتىق ايبىن» («ناتسيونالنوە ۆەليچيە») سىيلىعى تاۋەلسىز قوعامدىق سىيلىق بولىپ تابىلادى. ول رەسەيلىك جانە شەتەلدىك قايراتكەرلەردى ىنتالاندىرۋ ماقساتىندا بەرىلەدى. سونىمەن قاتار بۇل ماراپات مەملەكەت جانە قوعام قايراتكەرلەرىنە، مادەنەيەت جانە ونەر وكىلدەرىنە تاعايىندالادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات