قازاقپارات كۇنتىزبەسى: 9- قاراشا

None
None
نۇر-سۇلتان. قازاقپارات - قازاقپارات وقىرماندارىنا 2019-جىلعى 9- قاراشاعا ارنالعان كۇنتىزبەسىن ۇسىنادى.

اتاۋلى كۇندەر

حالىقارالىق فاشيزمگە، ناسىلشىلدىككە جانە انتيسەميتيزمگە قارسىلىق كۇنى

1938 -جىلعى قاراشانىڭ 9 ىنان 10 ىنا قاراعان ءتۇنى گەرمانيادا «حرۋستال ءتۇنى» بولعان. بۇل ءتۇنى ناتسيستەر جۇزدەگەن ەۆرەيدى ءولتىرىپ، تاعى 30 مىڭداي ادامدى كونتسلاگەرگە جونەلتتى. اتاۋلى داتا وسى قارالى كۇندى ەسكە الۋ ءۇشىن بەكىتىلگەن. حالىقارالىق يادرولىق قارۋعا قارسى اكتسيا كۇنى

بۇل كۇنى يادرولىق ەنەرگەتيكانى دامىتۋعا قارسى جانە ونىڭ قاۋىپتىلىگىن ارتتىرعانى ءۇشىن نارازىلىق اكسيالارى، دەمونستراتسيالار وتەدى.

ەستە قالار وقيعالار

1945-جىلى ا. پ. چەحوۆ اتىنداعى پاۆلودار وبلىستىق درامالىق تەاترىنىڭ نەگى قالاندى.

1989-جىلى سولتۇستىك قازاقستان وبلىسى ىشكى ىستەر دەپارتامەنتىنىڭ مۇراجايى العاشقى كەلۋشىلەردى قابىلدادى. مۋزەي قورىندا ءتورت مىڭنان استام جادىگەرلەر بار: قۇجاتتار، ماراپاتتار، جەكە زاتتار، فوتوسۋرەتتەر، فورمالار.

2005-جىلى بايقوڭىر ايلاعىنان«سويۋز-ف گ» زىمىرانتاسىعىشىنان «ۆەنەرا-ەكسپرەسس» ەۋروپالىق عارىش اپپاراتى ۇشىرىلدى.

2010-جىلى نيۋ-يوركتە قازاقستان-امەريكا ينۆەستيتسيالىق فورۋمى ءوتىپ، وندا تاياۋدا ا ق ش- تا (نيۋ-يورك قالاسى) اشىلعان ق ر ساۋدا-وندىرىستىك پالاتاسى وكىلدىگىنىڭ تۇساۋكەسەرى بولدى.

2015-جىلى الماتىداعى كەڭساي زيراتىنا باتىرحان شۇكەنوۆكە ارنالعان ەسكەرتكىش قويىلدى.

كەشەننىڭ بيىكتىگى 2,15 م. مەموريال تاقتانىڭ وڭ جاعىندا ساكسوفون ۇستاعان باتىرحان شۇكەنوۆتىڭ بەينەسى بەينەلەنگەن.

2015-جىلى سەمەيدە جاڭا كورنەكتى ورىن - «دانالىق قابىرعاسى» پايدا بولدى. بۇل ادەتتەن تىس جوباعا جاستار باستاماشىلىق جاسادى.

قالانىڭ ورتالىعىنداعى كادىمگى عيمارات قابىرعاسى فرەسكا جازۋلارىنا اينالدى. سۋرەتشىلەر وندا 3D فورماتىندا ۇلىلار: ابايدىڭ، شاكارىمنىڭ جانە مۇحتار اۋەزوۆتىڭ پورترەتتەرى بەينەلەندى. ۇيىمداستىرۋشىلار كارتينانى قازاق عارىشكەرلەرىنىڭ پورترەتتەرىمەن تولىقتىرماق.

2016-جىلى قازاقستاننىڭ ءۇش ۇلتتىق تەاترىنا: كورەي، نەمىس جانە ۇيعىر تەاترلارىنا اكادەميالىق مارتەبە بەرۋ تۋرالى پرەزيدەنت وكىمى شىقتى.

2016-جىلى جاپونيادا رەسمي ساپارمەن جۇرگەن قازاقستان پرەزيدەنتى نۇرسۇلتان نازاربايەۆقا حيروسيما قالاسىنىڭ «ەرەكشە قۇرمەتتى ازاماتى» اتاعى بەرىلدى.

سوڭعى جاڭالىقتار