ا ق ش- تا 9 جاسار بالا ءتورت ادامنىڭ ولىمىنە كىنالى دەپ تانىلدى
ءورت سالدارىنان ءۇش بالا مەن ەكى ەرەسەك ادام كوز جۇمعان، دەپ حابارلايدى قازاقپارات АР News-كە سىلتەمە جاساپ.
6 - ءساۋىر كۇنى بولعان وقيعانىڭ سالدارىنان ءبىر جاسار ءسابي مەن 2 جاستاعى ەكى بالا جانە 34 جاستاعى ەر ادام مەن 69 جاستاعى ايەل ادام كوز جۇمدى.
قايعىلى وقيعا چيكاگونىڭ وڭتۇستىك- باتىسىنا قاراي 240 شاقىرىم جەردەگى گۋدفيلد ەلدى مەكەنىندەگى Timberline موبيلدى ۇيلەر پاركىندە بولعان.
ۆۋدفورد وكرۋگىنىڭ تەرگەۋشىسى تيم رۋستمان ءورت قاساقانا قويىلعانىن ءمالىم ەتتى.
«بۇل وڭاي شەشىم بولعان جوق. جاپ- جاس بالاعا وسىنداي اۋىر قىلمىس جاسادى دەگەن ايىپ تاعىلىپ وتىر. تەرگەۋ سوڭىنا دەيىن ءجۇرۋى كەرەك دەپ ويلايمىن»، - دەدى وكرۋگ پروكۋرورى گرەگ مينگەر.
مينگەردىڭ ايتۋىنشا، بالا ايىپتى بوپ تانىلعان جاعدايدا شارتتى تۇردە بوساتىلىپ، كەم دەگەندە 5 جىلعا پوليتسيانىڭ باقىلاۋىنا الىنادى. سونداي- اق، تەراپيا سەانستارىنان ءوتۋى ىقتيمال.
10 جاسقا دەيىنگى بالالارعا ادام ولىمىنە قاتىستى ايىپ وتە سيرەك تاعىلاتىنىمەن، مۇلدەم بولمايدى دەگەن ءسوز ەمەس.
وتكەن ايدا ميچيگان شتاتىنىڭ سۋدياسى ستەردجيستىڭ جانىنداعى ۇيىندە اناسىن اتىپ ءولتىردى دەپ ايىپ تاعىلعان 9 جاسار بالانىڭ كىناسىز ەكەنىن ءمالىم ەتكەن ەدى. سەنت- دجوزەف وكرۋگى وتباسىلىق ءبولىمىنىڭ سۋدياسى دەۆيد توملينسكون ميچيگان شتاتىنىڭ زاڭى بويىنشا بالا 10 جاسقا تولماعاندىقتان قۇزىرەتى جوقتىعى تۋرالى قاۋلى قابىلدادى.