قازاقستاننىڭ 9-تامىز كۇنگى اۋا رايى بولجامى
ەلدىڭ تەك سولتۇستىگى مەن شىعىسىندا جانە ورتالىعىندا سولتۇستىك باتىستان سوققان تسيكلوننىڭ ىقپالىمەن كەي جەرلەردە جاۋىن جاۋىپ، نايزاعاي وينايدى، دەپ حابارلايدى قازاقپارات «قازگيدرومەت» ر م ك- نا سىلتەمە جاساپ.
رەسپۋبليكانىڭ باسىم بولىگىندە جەل كۇشەيىپ، سولتۇستىكتە جانە سولتۇستىك-باتىستا تۇندە جانە تاڭ اتا تۇمان ءتۇسىپ، وڭتۇستىكتە شاڭدى داۋىل سوعادى. ورتالىقتا بۇرشاق جاۋۋى دا ىقتيمال.
قاراعاندى وبلىسىنىڭ ءبىرقاتار اۋماقتارىندا جەل كۇشەيىپ، جىلدامدىعى سەكۋندىنا 15-20 مەترگە جەتەدى، بۇرشاق جاۋۋى دا ىقتيمال.
تۇركىستان، قىزىلوردا، پاۆلودار، شىعىس قازاقستان، كۇندىز الماتى، باتىس قازاقستان وبلىستارىندا جەل سەكۋندىنا 15-20 مەتر جىلدامدىقپەن ەسەدى. الماتى، تۇركىستان، قىزىلوردا وبلىستارىندا شاڭدى داۋىل كوتەرىلەدى.
قوستاناي، سولتۇستىك قازاقستان وبلىستارىندا تۇندە جانە تاڭ اتا تۇمان ءتۇسۋى ىقتيمال.
كۇندىز الماتى، شىعىس قازاقستان وبلىستارىندا اپتاپ ىستىق بولادى.
قىزىلوردا، تۇركىستان، جامبىل، الماتى وبلىستارى مەن قاراعاندى، اقتوبە، شىعىس قازاقستان، اقمولا وبلىستارىنىڭ ءبىرقاتار اۋماقتارىندا ءورت قاۋىپى ساقتالادى.