بۇگىن قازاقستاننىڭ 9 وڭىرىندە اپتاپ ىستىق بولادى
رەسپۋبليكانىڭ باسىم بولىگى انتيتسيكلون ىقپالىندا بولعاندىقتان جاۋىن-شاشىنسىز اۋا رايى كۇتىلەدى.
تەك قازاقستاننىڭ باتىسىندا، سولتۇستىك-باتىسىندا اتموسفەرالىق فرونتتاردىڭ وتۋىنە بايلانىستى كەي جەرلەردە جاڭبىر جاۋىپ، نايزاعاي جارقىلدايدى. داۋىل سوعىپ، بۇرشاق جاۋۋى ىقتيمال.
تۇندە اتىراۋ، باتىس قازاقستان، اقتوبە وبىستارىنىڭ كەي جەرلەرىندە كۇن كۇركىرەيدى، بۇرشاق جاۋۋى مۇمكىن.
باتىس قازاقستان، اقتوبە وبىستارىنىڭ كەي جەرلەرىندە جەلدىڭ ەكپىنى 15-20 م/س جەتەدى. شىعىس قازاقستان، پاۆلودار، قاراعاندى، قىزىلوردا، كۇندىز قوستاناي وبلىستارىنىڭ كەي جەرلەرىندە جەل 15-20 م/س دەيىن كۇشەيەدى.
اقمولا، الماتى، جامبىل، تۇركىستان، قىزىلوردا، قوستاناي، سولتۇستىك قازاقستان، اقتوبە وبلىستارىندا اپتاپ ىستىق كۇتىلەدى.
قاراعاندى وبلىسىنىڭ كەي جەرلەرىندە وتە قاتتى ىستىق بولادى. قىزىلوردا، تۇركىستان، الماتى، جامبىل، اقتوبە، قاراعاندى، شىعىس قازاقستان وبلىستارىنىڭ كەي جەرلەرىندە جوعارى ءورت قاۋپى ساقتالادى.