12:44, 22 - ماۋسىم 2019 | GMT +6
ءۇندىستانداعى اپتاپ ىستىق: 9 ميلليون تۇرعىنى بار چەنناي سۋسىز قالدى
نۇر-سۇلتان. قازاقپارات - ءۇندىستانداعى حالىق سانىنىڭ كوپتىگى جاعىنان التىنشى، 9 ميلليوننان استام ادام تىرشىلىك كەشىپ جاتقان چەنناي قالاسى بىرنەشە اپتادان بەرى اپاتتى جاعدايدا ءومىر ءسۇرىپ جاتىر، دەپ حابارلايدى BBC.
مەگاپوليستە سۋ جەتىسپەۋدە، مۇندا ءتىپتى ءومىر توقتاپ قالعانداي: كوپتەگەن بيۋجەتتىك مەكەمەلەر، سونداي-اق مەيرامحانالار مەن ءدامحانالار جانە قوناق ۇيلەر جابىلۋعا ءماجبۇر بولدى.
قالالىق قىزمەت سۋمەن قامتاماسىز ەتۋدى 40 پروتسەنتكە ازايتتى. قالا بويىنشا كونديتسيونەرلەر ءوشىرىلدى، اۋرۋحانالار سىرقاتتارعا تولى.
ەسكە سالا كەتسەك، ءۇندىستاندا مامىر ايىنىڭ ورتاسىندا باستالعان اپتاپ ىستىق قۇرعاقشىلىققا ۇرىندىردى. قازىردىڭ وزىندە بىرنەشە ونداعان ادام قايتىس بولدى.