قازاقستاندىق 9 جاسار ءانشى رەسەيلىك جۇلدىزداردى تاڭعالدىردى

 الماتى. قازاقپارات - رەسەيلىك «گولوس. دەتي 6» جوباسىنا قاتىسقان الماتىلىق توعىز جاسار جان ماكيم قازىلار القاسىنىڭ ىستىق ىقىلاسىنا بولەنىپ، ۆالەري مەلادزەنىڭ توبىنا ەندى، دەپ حابارلايدى «قازاقپارات» ح ا ا ءتىلشىسى.

جان اتى اڭىزعا اينالعان ستيۆي ۋاندەردىڭ «Sir Duke» شىعارماسىن ورىندادى. ونىڭ ونەر كورسەتكەن ءساتى جوبانىڭ You-Tube ارناسىنداعى رەسمي پاراقشاسىندا جاريالاندى.

 ەفير بارىسىندا «جۇلدىزدى» تورەشىلەر ءوز تاڭدانىستارىن جاسىرا المادى. ءانشى پەلاگەيا «مەن بۇل ءاننىڭ ءبىر دە ءبىر نوتاسىنا تۇسە الماس ەدىم» دەگەندى ايتسا، سۆەتلانا لوبودا اندەگى كۇردەلى ۇيلەسىمدىلىكتى اتاپ ءوتتى. ال ۆالەري مەلادزە العاشقى سەكۋندتاردا- اق تۇيمەشەكتى باسىپ، انشىگە بۇرىلدى. كەيىن ورنىنان تۇرىپ قوشەمەتىن ءبىلدىردى.

«بۇل قوشەمەتتەردى توقتاتۋعا تۋرا كەلدى، ويتكەنى ءالى ۇزاققا جالعاسا بەرەر ەدى. راحمەت! بۇل كەرەمەت بولدى» ، - دەدى مەلادزە جان ماكيم ونەرىن اياقتاعاننان كەيىن.

جاس ءانشى jazz جانە pop جانرلارىن، سونداي- اق مايكل دجەكسون مەن ستيۆ ۋاندەردى تىڭداعاندى ۇناتاتىنىن ايتتى.

 «گولوس. دەتي» جوباسى 2014 -جىلدان بەرى رەسەيلىك ارنادا كورسەتىلەتىن مۋزىكالىق شوۋ. ول نيدەرلاندىق The Voice Kids جوباسىنىڭ كوشىرمەسى. بايقاۋعا 7-14 جاس ارالىعىنداعى بارلىق ەلدىڭ بالالارى قاتىسا الادى.

 

اۆتورى: ەلامان تۇرىسبەكوۆ