قازاقستاننىڭ 9 وڭىرىندە اپتاپ ىستىق ساقتالادى - قازگيدرومەت

استانا. قازاقپارات - اتموسفەرالىق فرونتتاردىڭ وتۋىنە بايلانىستى 12- شىلدە كۇنى جەكەلەگەن وڭىرلەردە نايزاعاي ويناپ، جاڭبىر جاۋادى، بۇرشاق بولۋى مۇمكىن.

وڭتۇستىكتە تۇندە جانە تاڭەرتەڭ داۋىل بولادى. رەسپۋبليكانىڭ تەك وڭتۇستىك-باتىسىندا جانە وڭتۇستىگىندە جاۋىن-شاشىنسىز كۇن رايى كۇتىلەدى. ەلىمىزدىڭ كەي ايماقتارىندا جەل كۇشەيىپ، تۇندە جانە تاڭەرتەڭ تۇمان بولجانادى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

اتاپ ايتقاندا، سولتۇستىك قازاقستان وبلىسىنىڭ كەي جەرلەرىندە 15-20 م/س ەكپىندە جەل سوعادى، كۇندىز بۇرشاق جاۋۋى مۇمكىن، تۇندە جانە تاڭەرتەڭ تۇمان بولادى.

قوستاناي، كۇندىز شىعىس قازاقستان وبلىستارىنىڭ كەي جەرلەرىندە بۇرشاق بولۋى ىقتيمال، جەل 15-20 م/س كۇشەيەدى.

اقمولا وبلىسىنىڭ كەي جەرلەرىندە 15-20 م/س جىلدامدىقتا جەل تۇرىپ، كۇندىز بۇرشاق كۇتىلەدى.

قاراعاندى وبلىسىندا كۇندىز كەي جەرلەردە 15-20 م/س ەكپىندە جەل سوعادى، تۇندە جانە تاڭەرتەڭ تۇمان بولادى.

قىزىلوردا وبلىسىندا تاڭەرتەڭ جانە كۇندىز 15-20 م/س جىلدامدىقتا جەل بولادى، شاڭدى داۋىل تۇرادى.

جامبىل، الماتى، كۇندىز باتىس قازاقستان وبلىستارىندا كەي جەرلەردە جەل 17-22 م/س كۇشەيەدى.

سونداي-اق اتىراۋ وبلىسىنىڭ جەكەلەگەن اۋماقتارىندا قاتتى ىستىق كۇتىلەدى. باتىس قازاقستان، ماڭعىستاۋ، الماتى وبلىستارىنىڭ باسىم بولىگىندە، اقتوبە، قىزىلوردا، جامبىل، قاراعاندى، شىعىس قازاقستان وبلىستارىنىڭ كەي جەرلەرىندە قاتتى ىستىق بولجانادى.

بۇدان بولەك، ماڭعىستاۋ وبلىسىندا،  قىزىلوردا وبلىسىنىڭ باسىم بولىگىندە، اتىراۋ، باتىس قازاقستان، اقتوبە، تۇركىستان، شىعىس قازاقستان وبلىستارىنىڭ كەي جەرلەرىندە جوعارى ءورت قاۋپى ساقتالادى.