كۇندە كوڭىلدى ءجۇرۋدىڭ 9 ەرەجەسى
ادام ءوز كوڭىلىنە ءوزى عانا جاۋاپتى. بولماشىعا قاباق شىتىپ، بۇلقان- تالقان بولىپ اشۋلانۋدىڭ تۇك تە قاجەتى جوق. باستىسى - ءوز كوڭىلىڭىزدى ءوزىڭىز كوتەرە ءبىلىڭىز. ولاي بولسا ءبىز سىزدەرگە كوڭىلدى ءجۇرۋدىڭ 9 ەرەجەسى تۋرالى ايتا كەتپەكپىز.
1. كۇندە كۇلىپ ءجۇرىڭىز. قايعىدا دا، قۋانىشتى دا بۇلت استىنان كۇن شىعارىن ەستەن شىعارماڭىز. جالعىز قالساڭىز دا وزىڭىزگە كوتەرىڭكى كوڭىل- كۇي سىيلاي ءبىلىڭىز. وزگەلەرگە دە كۇلىپ ءتىل قاتىڭىز. كوتەرىڭكى كوڭىل- كۇي - ساتتىلىكتىڭ جارشىسى بولا الادى.
2. ۇتقىر ويلاي ءبىلىڭىز. كەز كەلگەن جاعدايدان شىعار جول بارىن ۇمىتپاڭىز. شەشىلمەيتىن ءتۇيىن بولمايدى. كەلەڭسىزدىكتەن كەيىن قۋانىشتى كۇن بولارىن سەزىنىڭىز. مىسالى، سۇيگەن ادامىڭىز تاستاپ كەتسە، ومىردەن ءتۇڭىلۋدىڭ قاجەتى جوق. ءسىزدى باعالايتىن جان ءالى الدىڭىزدا دەگەن ءسوز.
3. وزىڭىزگە ۇلكەن سەنىم ارتىڭىز. كۇندە تاڭەرتەڭ اينا الدىنا كەلىپ، كۇنى بويى كوڭىلدى جۇرۋگە ءوزىڭىزدى سەندىرىڭىز. وزگەلەردىڭ دە كوڭىلدى جۇرۋىنە سەپتىگىمدى تيگىزەمىن دەپ ويلاڭىز. «مىناۋ مەنىڭ قولىمنان كەلمەيدى» دەگەن ويدى ساناڭىزدان شىعارىپ تاستاڭىز.
4. وزگەلەرمەن كوپ ءتىل تابىسىڭىز. كۇندە كەم دەگەندە 5 ادامعا قوڭىراۋ شالىپ، حال- جاعدايىن ءبىلىپ تۇرىڭىز. اعايىن- تۋىس، دوس- جاران، تانىس ادامدارمەن سويلەسۋ ارقىلى ءوزىڭىزدىڭ دە، وزگەلەردىڭ دە كوڭىل- كۇيىن كوتەرەسىز.
5. تازا اۋادا كوپ سەرۋەندەڭىز. تازا اۋا مەن كۇننىڭ شۋاعى ادام كوڭىل- كۇيىنە ەرەكشە اسەر ەتەدى. كۇننەن توگىلگەن نۇر ادام ميىنا پايدالى. شۋاقتى كۇنمەن ادام كوڭىلى دە شۋاقتانا تۇسەدى.
6. ءتاتتى تاعامداردان باس تارتپاڭىز. شوكولاد قۇرامىنداعى ەندورفيندى شاتتىق گورمونى دەپ اتاپ جاتادى. شىندىعىندا تاڭەرتەڭ ءتاتتى تاعامدارمەن شاي ىشكەن ادام كۇندەگىدەن كوڭىلدى جۇرەدى ەكەن. سونداي- اق ىرىمشىك، بانان، اپەلسين، بروككولي جانە بالىق تاعامدارى كوڭىل- كۇيدى كوتەرەتىن استىڭ قاتارىنا جاتادى.
7. وزىڭە مەرەكە جاريالا. كۇنىڭدى ءبىرسىدىرعى وتكىزە بەرمەي، وزىڭە ءبىر كۇنى سىيلىق جاساۋدى دا ۇمىتپا. دۇكەن ارالاپ، ءوزىڭ قالاعان زاتتارىڭدى ساتىپ ال.
8. جىلدام شەشىم قابىلداپ ۇيرەن. ەش قورىقپاستان العا قادام باس. قيىن جاعدايلاردا جىلدام شەشىمىن تاۋىپ، جوسپارىڭدى جۇزەگە اسىرا ءبىل. ءومىر بويى ارمانداماي، اپتا سوڭىنا دەيىن- اق ارمانىڭدى ورىنداپ شىعۋعا تىرىس. ويتكەنى، سەنى ەكىنشىسى كۇتىپ تۇر.
9. ءوزىڭدى كۇندە ەركىن سەزىن. ومىرىڭدەگى، بولماسا جۇمىسىڭداعى قاتىپ قالعان قاعيدالاردى بۇزۋعا تالپىن. مۇلدە بولماسا، بىلمەي جاساعانداي كەيىپ تانىت. سەبەبى، كۇندە قايتالانا بەرەتىن كەيبىر قاعيدالار جالىقتىرىپ جىبەرۋى مۇمكىن.
كوڭىل- كۇي - جاننىڭ ايناسى. كوڭىلىڭىزدى تۇسىرگەن جاعدايلاردى تەز ۇمىتۋعا تىرىسىڭىز. جالپاق تىلمەن ايتقاندا، كەي كەلەڭسىز، تۇككە تۇرعىسىز دۇنيەلەرگە ات ءۇستى قاراڭىز. كوڭىلدى ءجۇرۋ - كەز كەلگەن ادامنىڭ قولىنان كەلەدى.
جۇزىڭىزدەن كۇلكى كەتپەسىن!
massaget.kz