+7 (701) 759 90 19
4 °С : نۇر-سۇلتان
16 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

بەردىبەك ساپاربايەۆ - ناۋقاستاردىڭ 99 پايىزى ەكپە الماعاندار

1 تامىز 13:31
:ءبولىسۋ
بەردىبەك ساپاربايەۆ - ناۋقاستاردىڭ 99 پايىزى ەكپە الماعاندار

تاراز. قازاقپارات - جامبىل وبلىسىنىڭ اكىمى بەردىبەك ساپاربايەۆ كوروناۆيرۋسقا بايلانىستى احۋالدىڭ كۇردەلەنە تۇسۋىنە بايلانىستى ءوڭىر تۇرعىندارىنا ۇندەۋ جولدادى، - دەپ حابارلايدى قازاقپارات ءتىلشىسى.

اكىمنىڭ ايتۋىنشا، وبلىستاعى دەرتتى جۇقتىرعان ناۋقاستاردىڭ 99 پايىزى ۆاكسينا سالماعاندار. ايماق باسشىسىنىڭ ۇندەۋىنىڭ ءماتىنى Facebook, Instagram الەۋمەتتىك جەلىدەگى ءوزىنىڭ جەكە پاراقشالارىندا جاريالاندى.

«وكىنىشكە قاراي، ءبىزدىڭ ايماقتا ەپيدەميولوگيالىق جاعداي تەز ناشارلاۋدا، كوروناۆيرۋس ينفەكسياسىن جۇقتىرعاندار سانى كۇن سايىن ارتىپ كەلەدى. بۇل جاعداي جامبىلدىقتاردىڭ بەتپەردە كيۋدى دوعارىپ، قاشىقتىقتى ساقتاۋدى توقتاتۋىنا بايلانىستى ءورشىپ تۇر. كەي جەرلەستەرىمىز ۇيلەنۋ تويلارىن، مەرەيتويلاردى جانە باسقا دا ءىس- شارالاردى ادامدار كوپ جينالاتىن جەرلەردە وتكىزىپ جاتىر. شەكتەۋ شارالارىنا قاراماستان، وقۋ ورىندارىنىڭ تۇلەكتەرىنە سالتاناتتى ءىس- شارالار ۇيىمداستىرۋ فاكتىلەرى ءجيى كەزدەسەدى. ۆيرۋستىڭ ودان ءارى تارالۋىن بولدىرماۋ ءۇشىن ءبىز ازاماتتارىمىزدىڭ دەنساۋلىعىن بارىنشا قورعاۋىمىز كەرەك. وسى ماقساتتا جامبىل وبلىسىندا جاڭا شەكتەۋ شارالارى ەنگىزىلەدى. بۇل بارلىق ەگجەي- تەگجەيلى اقپارات بۇقارالىق اقپارات قۇرالدارى ارقىلى جۇرتشىلىققا جەتكىزىلەدى»، - دەلىنگەن وبلىس اكىمىنىڭ ۇندەۋىندە.

سونداي- اق، بەردىبەك ساپاربايەۆ الداعى ۋاقىتتا ويىن- ساۋىق مەكەمەلەرى، سپورت جانە مادەنيەت وبەكتىلەرى، بازارلار مەن قوعامدىق كولىك قوسىمشا شەكتەۋلەرمەن جۇمىس ىستەيتىندىگىن ەسكەرتكەن.

«وسى ايتىلعان بارلىق قاۋىپسىزدىك شارالارى، ەڭ الدىمەن، ءسىزدى جانە ءسىزدىڭ جاقىندارىڭىزدىڭ دەنساۋلىعىن، ءومىرىن ساقتاۋعا باعىتتالعان. جەرگىلىكتى اتقارۋشى ورگاندار جامبىل وبلىسى بويىنشا پوليسيا دەپارتامەنتىمەن بىرلەسىپ، ويىن- ساۋىق ورىندارىندا، قوعامدىق ورىنداردا كارانتين شەكتەۋلەرىنىڭ ساقتالۋىن باقىلاۋى ءتيىس. ءتارتىپ پەن تاباندىلىقتىڭ ارقاسىندا ۋاقىتشا قيىندىقتاردى جەڭەتىنىمىزگە كۇمانىم جوق»، - دەدى ايماق باسشىسى.

وبلىس اكىمى، ازاماتتاردى كارانتين رەجيمىن، سانيتارلىق تالاپتاردى قاتاڭ ساقتاۋعا شاقىرىپ، ۇجىمدىق يممۋنيتەتتى قالىپتاستىرۋ ءۇشىن كورونوۆيرۋس ينفەكتسياسىنا قارسى ۆاكسيناتسيانىڭ ماڭىزدىلىعى تۋرالى تاعى دا ەسكە سالىپ ءوتتى.

«مەملەكەت باسشىسى قاسىم- جومارت توقايەۆ اتاپ وتكەندەي، جالپىعا بىردەي ۆاكسيناتسيا - بۇل قالىپتى ءومىردى قالپىنا كەلتىرۋدىڭ جانە ادامداردىڭ دەنساۋلىعىن ساقتاۋدىڭ جالعىز جولى»، - دەپ تۇيىندەلگەن ب. ساپاربايەۆتىڭ جامبىلدىقتارعا جاساعان ۇندەۋى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات