+7 (701) 759 90 19
USD 425.71 EUR 495.53
RUB 5.99 CNY 66.56
جاڭالىقتار

997+: قازاقستاننىڭ جاڭا تەلەفون كودى بەلگىلەندى

21 قىركۇيەك 14:36
:ءبولىسۋ
997+: قازاقستاننىڭ جاڭا تەلەفون كودى بەلگىلەندى

نۇر-سۇلتان. قازاقپارات - ەلىمىزدە جاڭا 997+ ءنومىرلى دەف كود بەلگىلەندى.

سول سياقتى ەندىگى ۋاقىتتا ەلىمىزدەن سىرتقا قوڭىراۋ شالعاندا شەتەلدەگى ادامنىڭ تەلەفونىندا «قازاقستان» دەپ شىعىپ تۇرادى.

اتالعان جاڭاشىلدىق تۋرالى ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ءمالىم ەتتى، دەپ حابارلايدى قازاقپارات ءتىلشىسى.

«جاقسى جاڭالىق! ب ۇ ۇ جانىنداعى حالىقارالىق ەلەكتر بايلانىس وداعى قازاقستانعا جاڭا 997+ دەف كودىن بەلگىلەدى. ەندى ءبىزدىڭ ەلدەن باسقا مەملەكەتكە قوڭىراۋ شالعاندا، شەتەلدىكتەردىڭ تەلەفونىندا قازاقستان دەگەن جازۋ شىعادى. سونداي-اق حالىقارالىق دەڭگەيدەگى سيفرلى سەرۆيستەردى قولدانعاندا دا، بارلىق جەردە قازاقستان دەگەن سيگنال شىعادى»، - دەپ جازدى باعدات مۋسنن ءوزىنىڭ Facebook پاراقشاسىندا.

ءمينيستردىڭ ايتۋىنشا، قازىرگى ۋاقىتتا ءتيىستى قۇجاتتار راسىمدەلىپ، جاڭا كودقا كوشۋ بويىنشا ءىس- شارالار اتقارىلىپ جاتىر.

«كەزىندە ك س ر و تاراعاندا، 7+ حالىقارالىق تەلەفون كودى ەكى ەلگە بىردەي بەكىتىلگەن بولاتىن. ءبىز قازاقستانعا عانا تيەسىلى حالىقارالىق كودقا قول جەتكىزۋ ءۇشىن بىلتىردان بەرى تەلەكوممۋنيكاتسيا سالاسىنداعى كومپانيالارمەن بىرگە جان- جاقتى جۇمىس جۇرگىزىپ كەلەمىز. وسى كەلىسسوزدەردىڭ ناتيجەسىندە ءبىزدىڭ ەلگە دەربەس 997+ كودى بەكىتىلدى»، - دەيدى ۆەدومستۆو باسشىسى.

اۆتور: ءالي يبرايەۆ


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات