موڭعوليا استاناسىندا حالىقتىڭ 99,4 پايىزى ۆاكسينا الدى

ۇلانباتىر. قازاقپارات- مونسامە - موڭعوليادا جاپپاي ۆاكسينالاۋ 23 - اقپاندا باستالدى. بۇگىنگى كۇنگى جاعداي بويىنشا حالىقتىڭ % 60- ى ەكپە العان، دەپ حابارلايدى قازاقپارات مونسامە- گە سىلتەمە جاساپ.

ۆاكسينانىڭ ءبىرىنشى دوزاسىن 2155040 ادام (%66,2) سالدىرسا، ەكىنشى دوزاسىن 1956183 ادام (%60,1) سالدىرعان. ەل استاناسىندا 1069783 ادام ياعني 18 جاستان اسقان حالىقتىڭ 99,4 پايىزى ۆاكسينانىڭ ءبىرىنشى دوزاسىن ەكتىرسە، 975166 ادام (%90,6) تولىعىمەن ۆاكسينالانعان. سونداي- اق ۇلتتىق دەڭگەيدە 16-17 جاستاعى 60900 ەرەسەك بالا، 12-15 جاستاعى 131649 جاسوسپىرىم، 5154 جۇكتى كەلىنشەك جانە 3393 ەمىزۋلى انالار ۆاكسينالانعان.

جەرگىلىكتى دەڭگەيدە بۇگىنگى كۇندە ومنوگوۆ ايماعى كوش باستاپ تۇر، ودان كەيىنگى ورىنداردا گوۆسۇمبەر مەن سۇحبااتار ايماقتارى تۇر. ال ەڭ تومەن ۆاكسيناتسيا كورسەتكىشتەرى دۋندگوۆ، وۆورحانگاي، حوۆسگول ايماقتارىندا.

2021 -جىلدىڭ اقپان ايىنان بەرى موڭعولياعا ۆاكسينانىڭ AstraZeneca, Pfizer/BioNTech، سپۋتنيك V جانە Sinopharm سياقتى ءتورت تۇرىنەن 5,3 ميلليون دوزا كەلىپ ءتۇستى.

موڭعوليا ۇكىمەتى 10 - تامىزعا قاراي ۇلانباتىر تۇرعىندارىن، ال 20 -تامىزعا قاراي وڭىرلەردىڭ تۇرعىندارىن تولىعىمەن ۆاكسينالاۋدى جوسپارلاپ وتىر.

اۆتور: اياۋلىم التىنبەك