+7 (701) 759 90 19
27 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قازاقستان حالقىنىڭ 99,3 پايىزى جىل سوڭىنا دەيىن ينتەرنەتپەن قامتىلادى - مينيسترلىك

8 شىلدە 12:15
:ءبولىسۋ
قازاقستان حالقىنىڭ 99,3 پايىزى جىل سوڭىنا دەيىن ينتەرنەتپەن قامتىلادى - مينيسترلىك

نۇر-سۇلتان. قازاقپارات - 2020 -جىلدىڭ سوڭىنا دەيىن قازاقستان حالقىنىڭ %99,3 كەڭ جولاقتى ينتەرنەتتى پايدالاناتىن بولادى.

بۇل تۋرالى ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنەن ءمالىم ەتتى، دەپ حابارلايدى قازاقپارات.

اقپاراتقا سايكەس، بيىلعى جىل باسىنان بەرى 649 شالعاي اۋىلعا تالشىقتى- وپتيكالىق بايلانىس جەلىلەرى تارتىلىپ، كەڭ جولاقتى ينتەرنەت قوسىلدى. ال 2020 -جىلدىڭ سوڭىنا دەيىن بايلانىس وپەراتورلارى بارلىعى 1250 دەن استام اۋىلدى ساپالى ينتەرنەتپەن قامتاماسىز ەتەتىن بولادى.

«ول ءۇشىن 20 مىڭ شاقىرىم تالشىقتى- وپتيكالىق بايلانىس جەلىسى تارتىلۋدا. مەملەكەتتىك- جەكەشەلىك ارىپتەستىك اياسىندا جۇزەگە اسىرىلىپ جاتقان جوبا 2018 -جىلى باستالدى. ونىڭ باستى ماقساتى – 3700 دەن استام مەملەكەتتىك ورگان مەن بيۋدجەتتىك ۇيىمداردى، ونىڭ ىشىندە مەكتەپ، اۋرۋحانا، اكىمدىك جانە تاعى باسقاسىن كەڭ جولاقتى ينتەرنەتكە قوسۋ. سونىمەن قاتار، جوبا جۇزەگە اسىرىلا باستاعالى بەرى شالعايداعى 962 اۋىل جىلدامدىعى جوعارى ينتەرنەتپەن قامتىلدى»، - دەدى ۆەدومستۆودان.

ق ر سيفرلىق دامۋ مينيسترلىگى تەلەكوممۋنيكاتسيا كوميتەتىنىڭ ءتوراعاسى ۆيتالي ياروشەنكونىڭ ايتۋىنشا، بۇل جوبا باسقا دا جوبالاردى جۇزەگە اسىرۋعا مۇمكىندىك تۋعىزباق.

«شالعايداعى اۋىلدارعا جىلدامدىعى جوعارى ينتەرنەتتى تارتۋ ءۇشىن ينفراقۇرىلىم قاجەت. قازىر بايلانىس وپەراتورلارى ءتيىستى ينفراقۇرىلىم - «وپتيكا» جەلىسىن تارتىپ جاتىر. بۇل، موبيلدىك وپەراتورلارعا وسى «وپتوتالشىققا» قوسىلۋعا جانە ساپالى ينتەرنەتپەن قامتۋعا مۇمكىندىك بەرەدى. وسىلايشا، 3G/4G موبيلدى تەحنولوگياسى نەمەسە سىمسىز بايلانىسۋ تەحنولوگياسى بويىنشا ءبىر اۋىل عانا ەمەس، جاقىن ماڭداعى اۋىلدار دا كەڭ جولاقتى ينتەرنەتكە قوسىلادى»، - دەپ اتاپ ءوتتى ۆ. ياروشەنكو.


مينيسترلىك قازاقستاندا ينتەرنەت جەلىسىن ودان ءارى دامىتۋعا باعىتتالعان تاعى ءبىر جوبا ىسكە اسىرىلىپ جاتقانىن ەسكە سالدى.

«ونىڭ اياسىندا، 2020 -جىلدىڭ سوڭىنا دەيىن ۇيالى بايلانىس وپەراتورلارى 3G/4G موبيلدىك جانە FWA - FixedWireless Access سىمسىز بايلانىسۋ تەحنولوگيالارىن قولدانا وتىرىپ، تۇرعىن سانى 250 دەن كوپ اۋىلداردىڭ ءبارىن كەڭ جولاقتى ينتەرنەتكە قوسادى. مينيسترلىك ۇيالى بايلانىس وپەراتورلارىمەن بىرگە ىنتىماقتاستىق تۋرالى ءتيىستى مەموراندۋمعا قول قويدى. وسىلايشا، وسى جىلدىڭ سوڭىنا قاراي ەل حالقىنىڭ %99,3 كەڭ جولاقتى ينتەرنەتتى پايدالاناتىن بولادى»، - دەدى ۆەدومستۆودان.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات