قازاقستاندىقتاردىڭ 99,3 پايىز جىل سوڭىنا دەيىن كەڭجولاقتى ينتەرنەتپەن قامتىلادى

نۇر- سۇلتان. قازاقپارات - سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى بيىل قازاقستانداعى 6341 اۋىلدىڭ 5 163 ى ينتەرنەتپەن قامتىلاتىنىن جاريا ەتتى، دەپ حابارلايدى قازاقپارات ءتىلشىسى.

«بۇگىنگى تاڭدا، ەلىمىزدە 118 قالانىڭ تۇرعىندارى (بۇل شامامەن 11 ميلليون ادام) جانە 4235 اۋىلدىق ەلدىمەكەن (بۇل تاعى 7 ميلليون ادام) ۇتقىر كەڭجولاقتى (ۇ ك ج ق) ينتەرنەتتى پايدالانا الادى. وسىلايشا، حالىقتىڭ 96 پايىزى ۇ ك ج ق- مەن قامتاماسىز ەتىلگەن. 2020 -جىلدىڭ سوڭىنا قاراي تۇرعىن سانى 250 جانە ودان اساتىن حالقى بار اۋىلدى ەلدىمەكەندە 3G/4G ۇيالى بايلانىس جەلىلەرىن سالۋ جوباسىنىڭ شەڭبەرىندە 928 اۋىلداعى 600 مىڭنان استام تۇرعىندى (بارلىق حالىقتىڭ 3,3 پايىزى) ۇكجق ينتەرنەتپەن قامتاماسىز ەتۋ جوسپارلانۋدا»، - دەپ جاۋاپ بەردى مينيسترلىك قازاقپارات اگەنتتىگىنىڭ رەسمي ساۋالىنا.

اتالعان جوبانى ىسكە اسىرۋدىڭ ارقاسىندا 6341 اۋىلدىڭ 5163 ى ينتەرنەتپەن قامتىلادى. جالپى 2020 -جىلدىڭ سوڭىنا قاراي 3G جانە 4G ۇيالى بايلانىس جەلىلەرىن سالۋ ارقىلى ينتەرنەتپەن قامتىلعان حالىقتىڭ ۇلەسى 99,3 پايىزدى قۇراماق.

مينيسترلىكتىڭ جاۋابىنا سۇيەنسەك، قازىرگى كەزدە تەلەكوممۋنيكاتسيا سالاسىن دامىتۋدىڭ نەگىزگى مىندەتتەرىنىڭ ءبىرى - قازاقستان اۋىلدارىنىڭ حالقىن كەڭجولاقتى ينتەرنەتپەن قامتاماسىز ەتۋ بولىپ وتىر.

«حالىقارالىق ەلەكتر بايلانىسى وداعىنىڭ ادىستەمەسىنە سايكەس، «كەڭجولاقتى ينتەرنەت» ۇعىمى ينتەرنەتتى 256 كبيت/س نەمەسە ودان جوعارى جىلدامدىقپەن پايدالانۋ دەگەندى بىلدىرەدى. قازاقستاندا كەڭجولاقتى ينتەرنەت سىمدى (ADSL - 10 مبيت/س، FTTН - 100 مبيت/س) جانە سىمسىز (3G - 7,2 مبيت/س، 4G - 100 م ب/س) تەحنولوگيالارى ارقىلى ۇسىنىلادى. قازىرگى ۋاقىتتا حالىق سانى 50 جانە ودان استام اۋىلدىق ەلدى مەكەندەر جىلدامدىعى 512 كبيت/س بولاتىن CDMA تەحنولوگياسى ارقىلى ينتەرنەتكە قول جەتكىزە الادى. الايدا بۇل جىلدامدىق دەڭگەيى اۋىل حالقىنىڭ قاجەتتىلىكتەرىن قاناعاتتىندىرمايدى. وسىعان بايلانىستى، مينيسترلىك اۋىل حالقىنىڭ سيفرلىق تەڭسىزدىگىنىڭ الدىن الۋ ماقساتىندا ءبىرقاتار جوبانى ىسكە اسىرۋدا»، - دەپ حابارلايدى مينيسترلىكتەن.

ەسكە سالا كەتسەك، جاقىندا قازاقپارات اگەنتتىگىنىڭ رەسمي ساۋالىنا جاۋاپ بەرگەن سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى بيىل ينتەرنەت تارتىلاتىن 928 اۋىلدىڭ ءتىزىمىن جاريالاعان بولاتىن. بيىل ينتەرنەت تارتىلاتىن 928 اۋىلدىڭ ءتىزىمىن مىنا سىلتەمە ارقىلى كورۋگە بولادى.