مۇگەدەكتەر مەن اسىراۋشىسىنان ايىرىلعاندارعا 97 ميلليارد تەڭگە جاردەماقى تولەندى
دەپ حابارلايدى قازاقپارات ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.
2021 -جىلعى 1 -ساۋىردەگى جاعداي بويىنشا مۇگەدەكتىگى بويىنشا مەملەكەتتىك الەۋمەتتىك جاردەماقى الۋشىلاردىڭ سانى 524,3 مىڭ ادامدى، اسىراۋشىسىنان ايىرىلۋ جاعدايى بويىنشا 168,8 مىڭ ادامدى قۇرايدى. مۇگەدەكتىك جانە اسىراۋشىدان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ مولشەرى مۇگەدەكتىكتىڭ توبى مەن سەبەبىنە، قايتىس بولعان (قازا تاپقان) اسىراۋشىسىنىڭ اسىراۋىنداعى ادامداردىڭ سانىنا، سونداي- اق ءتيىستى قارجى جىلىنا ارنالعان «رەسپۋبليكالىق بيۋدجەت تۋرالى» زاڭدا بەلگىلەنەتىن ەڭ تومەن كۇنكورىس دەڭگەيىنىڭ شاماسىنا بايلانىستى بولادى. 2021 -جىلعى 1 -ساۋىردەگى جاعداي بويىنشا مۇگەدەكتىگى بويىنشا مەملەكەتتىك الەۋمەتتىك جاردەماقىنىڭ ورتاشا مولشەرى 49502 تەڭگەنى، اسىراۋشىدان ايىرىلۋ جاعدايى بويىنشا مەملەكەتتىك الەۋمەتتىك جاردەماقىنىڭ ورتاشا مولشەرى 41369 تەڭگەنى قۇرادى.