كوروناۆيرۋسقا قارسى قىتاي- وزبەك ۆاكسيناسىنىڭ تيىمدىلىگى – 97 پايىز

None
None
تاشكەنت. قازاقپارات - قىتاي جانە وزبەك ەلدەرىنىڭ كوروناۆيرۋسقا قارسى شىعارعان ZF-UZ-VAC 2001 ۆاكسيناسىنىڭ تيىمدىلىگى 97 پايىزدى قۇراپ وتىر، ال پرەپاراتتىڭ قاۋىپسىزدىگى - 99 پايىز.

بۇل تۋرالى وزبەكستان ولي ماجىلىسىنە ۆاكسينانىڭ كلينيكالىق سىناعىنىڭ ناتيجەسىن ۇسىنۋ بارىسىندا وزبەكستاننىڭ يننوۆاتسيالىق دامۋ مينيسترلىگى ءمالىم ەتتى، دەپ حابارلايدى قازاقپارات.

وزبەكستاننىڭ يننوۆاتسيالىق دامۋ ءمينيسترىنىڭ ءبىرىنشى ورىنباسارى شاحلو تۋرديكۋلوۆ «وزبەكستان 24» تەلەارناسىنا بەرگەن تۇسىنىكتەمەسىندە قىتاي- وزبەك ۆاكسيناسىنىڭ تيىمدىلىگى مەن قاۋىپسىزدىگىنىڭ عىلىمي جانە پراكتيكالىق دالەلدەرى ەل پارلامەنتىنە ۇسىنىلعانىن ايتتى.

«ءبىز قىتايلىق ارىپتەستەرىمىزبەن بىرگە الەمدە كوروناۆيرۋسقا قارسى ەڭ ءتيىمدى ءارى قاۋىپسىز ۆاكسينالاردىڭ ءبىرىن شىعاردىق، ول ZF-UZ-VAC 2001 برەندتىك اتاۋىنا يە. بۇل - وتاندىق عىلىم سالاسىنىڭ ۇلكەن جەتىستىگى ەلىمىزدى جەكە ۆاكسينانى شىعارۋشى ەلدەر قاتارىنا كىرگىزدى. بۇل ۆاكسينا وتە كۇردەلى كلينيكالىق زەرتتەۋلەردەن ءوتتى. بارلىق جۇمىستار وتە قاتاڭ ستاندارتتار بويىنشا، حالىقارالىق تالاپتارعا سايكەس جۇرگىزىلدى. قازىرگى كەزدە ۆاكسينا د د س ۇ قايتا تىركەۋ كەزەڭىنەن ءوتىپ جاتىر»، - دەپ باياندادى سپيكەر.

بۇل رەتتە اتالعان ۆاكسينانىڭ جوعارى تيىمدىلىگى مەن كەرى اسەرىنىڭ بولماۋى اتاپ وتىلەدى. ەسكە سالا كەتسەك، وزبەكستان Zhifei Loncom Biofharmaceutical كومپانياسى جاساپ شىعارعان قىتايلىق ۆاكسينانىڭ قوسارلاس اۆتورى بولىپ تانىلدى. ناتيجەسىندە رەسپۋبليكانىڭ ىشكى نارىعىندا ول ZF-UZ-VAC 2001 اتاۋىنا يە بولعان.

اۆتور: زارينا تۋعانبايەۆا

سوڭعى جاڭالىقتار