الاياقتىق جولمەن 96 ميلليون تەڭگەنى جىمقىرعان اقتوبەلىك 6 جىلعا سوتتالدى
انجەلا ارۋتيۋنوۆا بالاباقشادا پسيحولوگ بولىپ جۇمىس ىستەپ ءجۇرىپ، بىرنەشە ادامنىڭ سەنىمىنە كىرگەن. ول 2015-2016 -جىلدارى «ارزان ءۇي الىپ بەرەم» دەپ بىرنەشە ادامنىڭ اقشاسىن الىپ، كەيىن ءوزى رەسەيگە كەتىپ قالعان. سوتتالۋشى رەسەيدەن اقتوبەگە جەتكىزىلىپ، قىلمىستىق كودەكستىڭ «الاياقتىق» بابى بويىنشا سوت الدىندا جاۋاپ بەردى.
«سوت وتىرىسى كەزىندە سوتتالۋشى ا. ارۋتيۋنوۆانىڭ 9 ادامدى الداپ، ولاردىڭ 96,6 ميلليون تەڭگەسىن يەمدەنگەنى انىقتالدى. وقيعا 2015-2016 -جىلدار ارالىعىندا بولدى. سوت شەشىمىمەن سوتتالۋشى ا. ارۋتيۋنوۆا قىلمىستىق كودەكستىڭ «الاياقتىق» بابى بويىنشا ايىپتى دەپ تانىلىپ، 6 جىل 8 ايعا باس بوستاندىعىنان ايىرۋ جازاسى تاعايىندالدى. ول جازاسىن قىلمىستىق اتقارۋ جۇيەسىنىڭ قاۋىپسىزدىگى ورتاشا تۇزەتۋ مەكەمەسىندە وتەيدى. جابىرلەنۋشىلەردىڭ ازاماتتىق ارىزى قاناعاتتاندىرىلىپ، سوتتالۋشىعا 96,6 ميلليون تەڭگە كولەمىندەگى شىعىندى تولىق وتەۋ مىندەتتەلدى»، - دەپ حابارلادى وبلىستىق سوتتىڭ باسپا ءسوز قىزمەتى.
سوت ۇكىمى زاڭدى كۇشىنە ەنگەن جوق.