ەڭ تومەنگى جالاقىنى وسىرۋگە جىل سايىن 96,3 ميلليارد تەڭگە جۇمسالماق
بۇل تۋرالى ەلباسى جولداۋىنان تۋىندايتىن تاپسىرمالاردى ورىنداۋ ماسەلەلەرى قارالعان ق ر ۇكىمەتىنىڭ كەڭەيتىلگەن وتىرىسىندا ق ر قارجى ءميينسترى ءاليحان سمايىلوۆ ايتتى، دەپ حابارلايدى قازاقپارات ءتىلشىسى.
ق ر ۇلتتىق ەكونوميكا ءمينيسترى تيمۋر سۇلەيمەنوۆ ۆەدومستۆودا جولداۋدا ايتىلعان مىندەتتەردى ورىنداۋعا قاجەتتى، ونى ءىس جۇزىندە جۇزەگە اسىرۋدىڭ، قارجىلىق قامتاماسىز ەتۋدىڭ تەتىكتەرى جانە زاڭنامالىق شارالارعا قاتىستى ناقتى جوسپارى بار ەكەنىن اتاپ ءوتتى. سوعان وراي، مەملەكەت باسشىسىنىڭ جولداۋىن ىسكە اسىرۋ جونىندەگى جالپىۇلتتىق جوسپاردى ازىرلەۋ جۇمىستارى باستالدى.
ال قارجى ءمينيسترى ءاليحان سمايىلوۆ ءبىلىم بەرۋ مەن دەنساۋلىق ساقتاۋ سالالارىن وسى سالالاردا شىعىنداردىڭ تيىمدىلىگىن ارتتىرۋعا باسا كوڭىل بولە وتىرىپ، مەملەكەتتىك قولداۋدى كەڭەيتۋ بويىنشا جۇمىستار جالعاساتىنىن ايتتى.
بەس جىل ىشىندە بارلىق قارجى كوزدەرىنەن ءبىلىم بەرۋ مەن دەنساۋلىق ساقتاۋعا شىعىنداردى ج ءى ءو- نەن 7,4-تەن 10 پايىزعا دەيىن ارتتىرۋ مىندەتى جۇكتەلدى. ەڭ تومەنگى جالاقى كولەمىن ءوسىرۋدى ىسكە اسىرۋعا جىل سايىن 96,3 ميلليارد تەڭگە باعىتتالاتىن بولادى. ونىڭ ىشىندە 85,8 ميلليارد تەڭگە تىكەلەي 275 مىڭ ازاماتتىق قىزمەتكەردىڭ جالاقىسىن كوتەرۋگە جۇمسالادى. ال 10,4 ميلليارد تەڭگەسى - سالىقتىق شەگەرۋلەردىڭ ارتۋىنا بايلانىستى وڭىرلەردىڭ تابىس بولىگىنىڭ شىعىندارىنىڭ ورنىن تولتىرۋعا باعىتتالادى. ولار ج ا و- عا ماقساتتى ترانسفەرتتەر تۇرىندە جەتكىزىلەدى.
ناتيجەسىندە، جالپى ەكونوميكا بويىنشا جالاقىنى وسىرۋمەن 1,3 ميلليون ادام قامتىلادى. وڭدەۋ ونەركاسىبى مەن ەكسپورتتى قوسىمشا قارجىلاندىرۋ 500 ميلليارد تەڭگە كولەمىندە ىسكە اسىرىلادى. ش و ب- تى دامىتۋدى مەملەكەتتىك قارجىلىق قولداۋدىڭ جالپى كولەمى 2019-2021 -جىلدارى 206,4 ميلليارد تەڭگەنى قۇرايدى.
«ءۇش جىلدىق بيۋدجەت اياسىندا بىلىمگە جۇمسالاتىن شىعىنداردى بيىل 456,3 ميلليارد تەڭگەدەن 2021 -جىلى 752,1 ميلليارد تەڭگەگە دەيىن نەمەسە 65 پايىزعا ارتتىرۋ جوسپارلانىپ وتىر. وسى كەزەڭدە دەنساۋلىق ساقتاۋعا جۇمسالاتىن شىعىنداردى 24 پايىزعا، 1076,2 ميلليارد تەڭگەدەن 1339,1 ميلليارد تەڭگەگە دەيىن ءوسىرۋ كوزدەلگەن»، - دەدى ءا. سمايىلوۆ.