ەلىمىزدە دەنساۋلىققا قاساقانا زيان كەلتىرۋ قىلمىستارىنىڭ 95 پايىزى اشىلماعان

None
None
نۇر-سۇلتان. قازاقپارات - ەلىمىزدە دەنساۋلىققا قاساقانا زيان كەلتىرۋ قىلمىستارىنىڭ اشىلۋى 95 پايىزى اشىلماعان، دەپ حابارلايدى قازاقپارات ءتىلشىسى.

Finprom.kz پورتالىنىنىڭ مالىمەتىنشە، دەنساۋلىققا قاساقانا اۋىر زيان كەلتىرۋ بويىنشا قىلمىستىق قۇقىق بۇزۋشىلىقتاردىڭ اشىلۋى 95 پايىزعا دەيىن تومەندەگەن. ال دەنساۋلىققا قاساقانا اۋىر زيان كەلتىرۋدىڭ تىركەلگەن جاعدايلارى 3 پايىزعا ارتىپ وتىر.

وسى جىلدىڭ قاڭتار- شىلدە ايلارىندا ەلىمىزدە «دەنساۋلىققا قاساقانا اۋىر زيان كەلتىرۋ» بابى بويىنشا 1,12 مىڭ قىلمىستىق قۇقىق بۇزۋشىلىق تىركەلدى. بۇل ءبىر جىل بۇرىنعى دەرەكتەن 2,8 پايىزعا ارتىق. ونىڭ ىشىندە 219 قۇقىق بۇزۋشىلىق (بىلتىرعىدان 14,1 پايىزعا كوپ) ادام ولىمىنە اكەپ سوقتىرعان.

وڭىرلەر بويىنشا بيىل «دەنساۋلىققا قاساقانا اۋىر زيان كەلتىرۋ» بابىمەن ەڭ كوپ قۇقىقبۇزۋشىلىق شىعىس قازاقستان وبلىسىندا تىركەلدى: 127 وقيعا، بىلتىرعىدان 25,7 پايىز از. ودان كەيىن الماتى قالاسى (105 جاعداي، %9,4+)، الماتى جانە قاراعاندى وبلىستارى (ءارقايسىسىندا 101 جاعداي) تۇر. مۇنداي قۇقىق بۇزۋشىلىقتاردىڭ ەڭ ازى اباي وبلىسىندا تىركەلگەن: تەك 1 جاعداي عانا.

ال دەنساۋلىققا قاساقانا اۋىر زيان كەلتىرۋ بويىنشا قىلمىستىق قۇقىق بۇزۋشىلىقتاردىڭ اشىلۋ دەڭگەيى 2022 -جىلعى قاڭتار- شىلدەدە 94,8 پايىز بولدى، بىلتىر وسى ۋاقىت ارالىعىندا 97,8 پايىز بولعان ەدى. قازاقستاندا مۇنداي قىلمىستاردىڭ اشىلۋ دەڭگەيى ماڭعىستاۋ وبلىسىندا ەڭ جوعارى - 100 پايىز. ودان كەيىنگى ورىندا شىعىس قازاقستان وبلىسى مەن ەلوردا تۇر: تيىسىنشە 99,1 جانە 98,7 پايىز. الماتى قالاسىندا مۇنداي قىلمىستاردىڭ اشىلۋ كورسەتكىشى تومەن - 78,6 پايىز. ال ەلىمىزدىڭ جاڭادان قۇرىلعان ءۇش وبلىسىندا بىردە-ءبىر ءىس اشىلماعان.



اۆتور مارلان جيەمباي


سوڭعى جاڭالىقتار