بيىل 95 مىڭ ادام قازاقستان كوللەدجدەرىندە تەگىن كاسىپ يگەرەدى
بۇل تۋرالى ق ر ءبىلىم جانە عىلىم ءبىرىنشى ۆيتسە- ءمينيسترى شولپان كارينوۆا ايتىپ بەردى، دەپ حابارلايدى قازاقپارات ءتىلشىسى.
«كوللەدجدەرگە كەلسەك، «تەگىن كاسىپتىك- تەحنيكالىق ءبىلىم بەرۋ» جوباسىن ىسكە اسىرۋ جالعاسۋدا. جوبا اياسىندا بيىل كوللەدجدەرگە ءبىرىنشى كۋرسقا 95 مىڭ ستۋدەنت قابىلداندى. بيىلدان باستاپ كوللەدجدەردىڭ اكادەميالىق دەربەستىگى كەڭەيتىلدى، ول جۇمىس بەرۋشىلەردىڭ قاتىسۋىمەن جانە ەڭبەك نارىعىنىڭ تالاپتارى بويىنشا ءبىلىم بەرۋ باعدارلامالارىن دەربەس ازىرلەۋگە مۇمكىندىك بەرەدى. 180 كوللەدجدى «جاس مامان» جوباسى بويىنشا جابدىقتاۋ اياقتالىپ كەلەدى. جاڭا وقۋ جىلىندا كوللەدج ستۋدەنتتەرى مەكتەپ وقۋشىلارى سياقتى شتاتتىق وقىتۋ فورماتىنا كوشتى. بۇل رەتتە تەوريالىق، زەرتحانالىق، پراكتيكالىق ساباقتار، كاسىپتىك پراكتيكا قالىپتى رەجيمدە جۇرگىزىلەدى جانە كوللەدجدەر پاندەردىڭ % 20- ى بويىنشا قاشىقتان وقىتۋدى ۇيىمداستىرۋعا مۇمكىندىگى بار»، - دەدى ۆيتسە- مينيستر ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ونىڭ ايتۋىنشا، كوللەدجدەردە ستۋدەنتتەردىڭ ءبىر ۋاقىتتا بولۋىن شەكتەۋ ءۇشىن تەوريالىق جانە پراكتيكالىق ساباقتاردىڭ اۋىستىرىپ تۇرۋ ۇيىمداستىرىلعان. بارلىق كوللەدجدەر مەن جاتاقحانالاردا Ashyq جۇيەسى ورناتىلعان.
اۆتور: ايجان سەرىكجان قىزى