بيىل قورداي حالقىنىڭ 95 پايىزى گازبەن قامتىلادى

None
None
قورداي. قازاقپارات - بۇعان دەيىن جامبىل وبلىسى قورداي اۋدانى حالقىنىڭ 30 پايىزى عانا تابيعي گاز تۇتىنىپ كەلسە، بيىلعى گازداندىرۋ جوباسى اياقتالعان كەزدە قوردايلىقتاردىڭ 95 پايىزى كوگىلدىر وتىنعا قول جەتكىزەدى، دەپ حابارلايدى قازاقپارات ءتىلشىسى.

بيىل 150 مىڭعا جۋىق تۇرعىنى بار قورداي اۋدانىنىڭ الەۋمەتتىك- ەكونوميكالىق الەۋەتىن ىلگەرىلەتۋگە بيۋدجەت قاراجاتىنان قوسىمشا 31 ميللياردتان استام تەڭگە ءبولىنىپ، يگەرىلىپ جاتىر. وبلىس اكىمى بەردىبەك ساپاربايەۆ قورداي اۋدانىنداعى جۇمىس ساپارىن وتار اۋىلدىق وكرۋگى جانىنداعى اۆتوماتتاندىرىلعان گاز تاراتۋ ستانساسىنىڭ قۇرىلىسىمەن تانىسۋدان باستادى. بۇل جوبانىڭ قۇنى 1 ميلليارد 50 ميلليوننان تەڭگەدەن اسادى. مەردىگەر كومپانيا - «تارازستروي-2004» ج ش س. بيىلعى 10-تامىزدا باستالعان قۇرىلىس الداعى جەلتوقسان ايىنىڭ باسىندا اياقتالۋى ءتيىس. بۇل ستانساعا كوگىلدىر «قازاقستان - قىتاي» جەراستى گاز قۇبىرىنان «كوگىلدىر وتىن» الىنىپ، قورداي اۋدانىنىڭ 12 اۋىلىن گازداندىرۋ كوزدەلىپ وتىر. قازىر مۇندا 10 مامان، 20 جۇمىسشى تۇراقتى ەڭبەك ەتۋدە. جالاقى 90-95 مىڭ تەڭگەدەن كەم ەمەس.

وبلىس باسشىسىنا مۇنداعى جۇمىستار تۋرالى «تارازستروي-2004» ج ش س- نىڭ باسشىسى سەمبەك تۇرداليەۆ باياندادى. وبلىستىق ەنەرگەتيكا جانە كوممۋنالدىق شارۋاشىلىق باسقارماسىنىڭ باسشىسى قۇدايبەرگەن قورعانبايەۆ كەستەگە سايكەس باتىس مۇناي جابدىقتاۋ كومپانيالارىمەن كەلىسىم بار ەكەنىن، ەندى ءۇش قوندىرعى جانە دايىن بلوكتار كەلەتىنىن اتاپ ءوتتى. قوردايدىڭ كۇنشىعىس جاعى بويىنشا (وتار ايماعى) 12 اۋىلعا گاز تارتۋدى، قۇبىر تارتۋدى «بايسىن- ا» ج ش س جۇزەگە اسىرادى. جوبانىڭ جالپى قۇنى 4 ميلليارد 37 ميلليون تەڭگەگە جۋىق. تامىزدىڭ العاشقى كۇندەرىندە باستالعان بۇل قۇرىلىستىڭ دا اياقتالۋى ءتورت اي مەرزىمگە بەلگىلەنگەن. جۇمىسقا 60 ادام، 28 تەحنيكا جۇمىلدىرىلىپتى. 21 بريگادا تىنىمسىز جۇمىس جۇرگىزىپ جاتىر. قازىر جۇمىستىڭ 25 پايىزى ءبىتىپتى. قورداي اۋدانى اكىمىنىڭ ورىنباسارى ەرلان ورىنبايەۆتىڭ ايتۋىنشا، اعىمداعى جىلى قۇرىلىس جۇمىستارىنا قوسىمشا 31 ميلليارد تەڭگە بولىنگەن.

«اۋداننىڭ 22 ەلدى مەكەنى گازبەن قامتىلادى. اتاپ ايتقاندا بۇگىنگى كۇنى 10 ەلدى مەكەنگە ماگيسترالدىق گاز قۇبىرى تارتىلىپ، ون ەلدى مەكەنگە ىشكى قۇبىرلار جۇرگىزىلۋدە. اعىمداعى جىلى 100 مىڭ ادامدى كوگىلدىر وتىنمەن قامتۋ جوسپارلانىپ وتىر. 6 ەلدى مەكەندە تازا اۋىزسۋ قۇبىرى تارتىلىپ، 4 اۋىلدا سپورتتىق- ساۋىقتىرۋ كەشەندەرى سالىنىپ، بۇدان بولەك 4 كوپقاباتتى تۇرعىن ءۇي (230 پاتەرلى) ، ەل يگىلىگىنە بەرىلگەلى وتىر» ، - دەپ اتاپ ءوتتى ە. ورىنبايەۆ.

كەلەسى ساتتە بەردىبەك ساپاربايەۆ وتار اۋىلىندا قۇرىلىسى ءجۇرىپ جاتقان اۋىلدىق مادەنيەت ءۇيى جانە سپورتتىق- ساۋىقتىرۋ كەشەنىنىڭ قۇرىلىسىمەن تانىستى، قۇرىلىس جۇمىستارىن «تاراز - ىسمەر» كومپانياسى قولعا العان. جوبا قۇنى - 323 ميلليون تەڭگە. ايماق باسشىسىنىڭ بۇعان دەيىنگى ءىسساپارىندا تۇرعىندار اۋىلدا مادەنيەت ءۇيى بوي كوتەرىپ، «كوگىلدىر وتىن» كەلسە دەگەن تىلەكتەرىن ايتقان ەدى. بۇل باعىتتاعى جۇمىستار باستالىپ تا كەتتى. وبلىس باسشىسى اتالعان اۋىل اقساقالدارىمەن جانە اق جاۋلىقتى انالارمەن امانداسىپ، اڭگىمەلەسۋدى دە ۇمىتپادى. ولاردى وتار اۋىلىنا «كوگىلدىر وتىن» بيىلعى جىلدىڭ اياعىنا دەيىن كەلەتىنىن ايتىپ قۋانتتى.

«جوبا بويىنشا گاز قۇبىرى ءار كوشەگە تارتىلادى. ونى ۇيگە كىرگىزۋ قۇنى ءبىر وتباسى ءۇشىن - 350 مىڭ تەڭگە. بۇل قاراجات وزدەرىڭىزدەن شىعادى. ءبىراق بارىنشا جەڭىلدىكتەر قاراستىرىلادى. مىسالى، بيىل 100 مىڭ تەڭگە تولەپ، قالعانىن كەلەسى جىلى وتەۋگە بولادى» ، - دەپ ءتۇسىندىردى اۋدان اكىمى رۇستەم داۋلەت.

وبلىس اكىمى اۋقاتتى اۋىلىنىڭ تۇرعىندارىمەن كەزدەسىپ، ءار ۇيگە «كوگىلدىر وتىننىڭ» تارتىلۋىنا بايلانىستى ماسەلەلەرگە ءمان بەردى. بۇدان كەيىنگى ساپار سورتوبە اۋىلىندا جالعاستى. سورتوبە اۋىلدىق وكرۋگىنىڭ اكىمى ءىلياس بۇلاروۆتىڭ ايتۋىنشا، اۋىلداعى 1646 اۋلانىڭ 1200 اۋلاسىندا كوگىلدىر وتىن كىرگىزۋ ماسەلەسى شەشىلگەلى وتىر. وبلىس اكىمى ماسانشى اۋىلىندا دا بولدى. مۇندا دا تۇرعىنداردىڭ 90 پايىزى «كوگىلدىر وتىندى» ۇيلەرىنە كىرگىزۋگە كەلىسىم بەرىپ، جاقسى جاڭالىققا قۋانىپ وتىر.


سوڭعى جاڭالىقتار