+7 (701) 759 90 19
16 °С : نۇر-سۇلتان
15 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

قازاقستان فەرمەرلەرى بيىل 95 مىڭ باس ءىرى قارا مال ساتىپ الادى

26 مامىر 12:02
:ءبولىسۋ
قازاقستان فەرمەرلەرى بيىل 95 مىڭ باس ءىرى قارا مال ساتىپ الادى

نۇر- سۇلتان. قازاقپارات - بيىل 95 مىڭ باس مالدى ساتىپ الۋعا فەرمەرلىك شارۋاشىلىقتار نەسيەلەندىرىلەدى. بۇل تۋرالى ق ر اۋىل شارۋاشىلىعى ءمينيسترى ساپارحان وماروۆ ءمالىم ەتتى، دەپ حابارلايدى قازاقپارات ءتىلشىسى.

«2019 -جىلى فەرمەرلىك شارۋاشىلىقتار 63 مىڭ باس ءىرى قارا مال اكەلدى. ناتيجەسىندە، اسىل تۇقىمدى مال باسىنىڭ ۇلەس سالماعى 12 پايىزعا جەتتى. بيىل 95 مىڭ باس مالدى ساتىپ الۋعا فەرمەرلىك شارۋاشىلىقتاردى نەسيەلەندىرۋدى جوسپارلاپ وتىرمىز. جىل باسىنان باستاپ 21 مىڭ باس ساتىپ الۋعا فەرمەرلەر قارجىلاندىرىلدى. جالپى اكىمدىكتەرگە فەرمەرلىك شارۋاشىلىقتاردى ءىرى قارا مال اكەلۋگە قاتىستى جۇمىستاردى بەلسەندەتۋ كەرەك، سونىڭ ىشىندە دايىن ينفراقۇرىلىمى بار شارۋا قوجالىقتارىن دا قاراستىرۋ قاجەت» ، - دەدى مينيستر ۇكىمەت وتىرىسىندا.

ونىڭ سوزىنە قاراعاندا، بىلتىر قاناتقاقتى جوبا تۇرىندە ساتىپ الىناتىن مالدى كەپىلگە قويۋ ارقىلى قارجىلاندىرۋ مەحانيزمى تاجيرەبەدەن وتكىزىلدى جانە اتالعان تەتىك بيىل كەڭىنەن قولدانىلاتىن بولادى.

«باستى مىندەتتەردىڭ ءبىرى - سيىر ەتى ءوندىرىسىنىڭ تىزبەگىن ۇزدىكسىز جۇرگىزۋ. رەسپۋبليكادا 279 مىڭ مال ورنىنا ارنالعان بورداقىلاۋ الاڭدارىنىڭ جەلىسى جانە قۋاتى 240 مىڭ تونناعا ەت كومبيناتى بار. ولاردىڭ جۇكتەمەلىگىن ارتتىرۋ ءۇشىن بۇقاشىقتاردى تاپسىرۋ جوسپارى قاراستىرىلعان. فەرمەرلەردى ىنتالاندىرۋ ءۇشىن ونەركاسىپتىك بورداقىلاۋ الاڭدارىنا نەمەسە ەت كومبيناتتارىنا تاپسىرىلعان بۇقاشىقتاردى تىرىلەي سالماعىنا سۋبسيديالاۋ مەحانيزمى قاراستىرىلعان. سونىمەن قاتار، ەت كومبيناتتارى جانە بورداقىلاۋ الاڭدارىندا ەكسپورتتىق شارتى بولعان جاعدايدا، اينالىم قاراجاتىن تولىقتىرۋدى قارجىلاندىرۋ قاراستىرىلعان» ، - دەدى مينيستر.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات