پاۆلوداردا كوپ بالالى 95 وتباسى باسپانالى بولدى

None
None
پاۆلودار. قازاقپارات - پاۆلوداردا «باقىتتى وتباسى» باعدارلاماسى اياسىندا ءبىرىنشى كەزەكتە مۇگەدەك بالالارى بار نەمەسە مۇگەدەك بالالاردى تاربيەلەپ وتىرعان وتباسىلار مەن كوپ بالالى وتباسىلار باسپانا الۋدا، دەپ حابارلايدى pavlodarnews.kz.

پاۆلودار قالاسى قارجى ءبولىمىنىڭ سەكتور مەڭگەرۋشىسى اقەركە ەلامانوۆانىڭ مالىمدەۋىنشە، بيىلعى جىلى ەلباسىنىڭ باستاماسى بويىنشا %2 جەڭىلدىك ستاۆكاسىمەن جانە %10 باستاپقى جارناسىمەن «باقىتتى وتباسى» باعدارلاماسى ىسكە قوسىلدى.

باسپاناعا قول جەتكىزگىسى كەلەتىن جانداردىڭ تولەم قابىلەتتىلىگىن باعالاۋدان وتكىزۋ ءۇشىن «قازاقستان تۇرعىن ءۇي قۇرىلىس جيناق بانكى» ا ق-عا 348 جولداما جىبەرگەن.

- ونىڭ ىشىندە بانك 162 وتىنىمنەن ءارتۇرلى سەبەپتەر بويىنشا باس تارتتى، - دەيدى اقەركە ەلامانوۆا. - ال 186 ءوتىنىم قابىلداندى. ونىڭ ىشىندە بيىلعى جىلدىڭ 29 قاراشاسىنداعى جاعداي بويىنشا 175 ءوتىنىم ماقۇلداندى. اتاپ ايتقاندا، بۇل 95 وتباسىنىڭ ىشىندە كوپ بالالى وتباسىلار سانى – 18، تولىق ەمەس وتباسىلار - 60 جانە 17 مۇگەدەك بالالارى بار نەمەسە تاربيەلەپ وتىرعان وتباسىلار ەكىنشى دارەجەلى تۇرعىن ۇيلەردەن پاتەر ساتىپ الدى. قارجى ءبولىمىنىڭ سەكتور مەڭگەرۋشىسى 80 ءوتىنىش بەرۋشى ءالى دە پاتەر ىزدەۋ ۇستىندە ەكەنىن اتاپ ءوتتى. بانك ساتىپ الۋعا باسپانا تابۋ ءۇشىن 3 اي ۋاقىت بەرەدى.

«باقىتتى وتباسى» باعدارلاماسى بويىنشا تۇرعىن ۇيگە قول جەتكىزگەندەردىڭ ءبىرى - 6 بالا تاربيەلەپ وتىرعان جانار قاراشاشيەۆا. ونىڭ تورتەۋى وزىنىكى بولسا، ەكەۋى اسىراپ العان. - بىزدە بۇعان دەيىن ءوز باسپانامىز بولعان جوق، - دەيدى جانار قاراشاشيەۆا. باعدارلاما وتە جاقسى، باسقاشا ءبىز پاتەر ساتىپ الا الماس ەدىك. جاڭا پاتەرىمىزدە ءبىر جارىم اي ءومىر سۇرۋدەمىز. بالالار ريزا، پاتەر كەڭ، اۋماعى - 67 شارشى مەتر. التى بالالى وتباسى ءۇشىن بۇل شاعىن، ءبىراق ءبىز وتە قۋانىشتىمىز. جۇبايىم ەكەۋىمىز دە جۇمىس ىستەگەندىكتەن باعاسى قولجەتىمدى دەپ ويلايمىن. 19 جىل ايىنا 53303 تەڭگەدەن ءبولىپ تولەيمىز.

ءبىراق ەرتەرەك، كەم دەگەندە ون جىل ىشىندە تولىق جابۋعا تىرىساتىن بولامىز. بۇرىن جالدامالى پاتەردە تۇرىپ جۇرگەن وتباسىنىڭ ەڭ كىشكەنتاي بالاسى - ەكىدە، ۇلكەنى - 22 جاستا. جۇبايى - قۇرىلىسشى، ال جانار قاراشاشەۆانىڭ ءوزى - «سامال» وڭالتۋ ورتالىعىندا پەداگوگ. ول بۇل ماماندىق وزىنە جاقىن ەكەنىن، ويتكەنى ءوز بالالارىنىڭ دەنساۋلىعىندا ءبىراز قيىندىقتار بار ەكەنىن ايتادى. - بار جيناعان قارجىمىزعا ءۇي سالدىق، - دەيدى كوپ بالالى انا.

- ءبىراق ول كىشكەنتاي بولدى. ءبىز ونى ساتىپ، تۇرعىن ءۇي قۇرىلىس جيناق بانكىنە سالدىق. سول ارقىلى باستاپقى جارناعا قول جەتكىزدىك. پاتەر 11,5 ميلليون تەڭگە تۇردى. باعدارلاما بويىنشا ءبىز پاتەردى 10 ميلليون تەڭگەگە الۋىمىز كەرەك بولدى. ءۇي يەسىنە 1.5 ميلليون تەڭگە قاراجات بەرىپ، وسى تۇرعىن ۇيگە قول جەتكىزدىك.

ايتا كەتەيىك، قازىرگى ۋاقىتتا بانك باعدارلاما بويىنشا بارلىق وتىنىمدەردى قابىلدادى. ال جاڭا قۇجاتتاردى قابىلداۋ توقتاتىلدى.

سوڭعى جاڭالىقتار