+7 (701) 759 90 19
-5 °С : نۇر-سۇلتان
-3 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

الماتىدا ءابدىجامىل نۇرپەيىسوۆتىڭ 95 جىلدىق مەرەيتويى تويلانۋدا

22 قازان 20:42
:ءبولىسۋ
الماتىدا ءابدىجامىل نۇرپەيىسوۆتىڭ 95 جىلدىق مەرەيتويى تويلانۋدا

الماتى. قازاقپارات - الماتىدا قازاقستاننىڭ حالىق جازۋشىسى ءابدىجامىل نۇرپەيىسوۆتىڭ 95 جىلدىق مەرەيتويى اتالىپ وتۋدە، دەپ حابارلايدى قازاقپارات ءتىلشىسى.

اباي اتىنداعى مەملەكەتتىك اكادەميالىق وپەرا جانە بالەت تەاترىنا تۋعان كۇن يەسىنىڭ جاقىندارى مەن تۋىستارى، سونداي- اق مەملەكەت قايراتكەرلەرى مەن جازۋشىلار جينالدى.

سالتاناتتى جيىندا ق ر مەملەكەتتىك حاتشىسى قىرىمبەك كوشەربايەۆ قۇتتىقتاۋ ءسوز سويلەدى. ول ەلباسى نۇرسۇلتان نازاربايەۆ پەن قازاقستان پرەزيدەنتى قاسىم- جومارت توقايەۆتىڭ جولداعان قۇتتىقتاۋىن وقىپ بەردى.


«قۇرمەتتى ءابدىجامىل كارىم ۇلى! مەرەيلى 95 جاسقا تولعان تورقالى تويىڭىزبەن شىن جۇرەكتەن قۇتتىقتايمىن. كوزى ءتىرى كلاسسيك، ءسوز ونەرىنىڭ ساردارى، قۇرمەتتى قالامگەرلەردەن تۋعان قايراتكەر رەتىندە ءسىز ۇلتتىق ادەبيەتىمىز بەن مادەنيەتىمىزدىڭ دامۋىنا، ونىڭ الەمدىك دەڭگەيدە تانىلۋىنا سۇبەلى ۇلەس قوستىڭىز. قالىڭ جۇرتىشىلىق جاقسى بىلەتىن «قان مەن تەر»، «سوڭعى پارىز» سياقتى ايگىلى شىعارمالارىڭىز ارقىلى وقىرمانىڭ بىرنەشە بۋىنىنىڭ شىنايى قۇرمەتىنە بولەندىڭىز. حالقىڭىزدىڭ سان- سالالى تىنىس تىرشىلىگىن ەپوپەيالىق اۋقىممەن شەبەر سۋرەتتەپ، قازاقتىڭ ومىردە قايتالانا بەرمەس بىرەگەي بەينەسىن سومداعان كوركەم تۋىندىلارىڭىز جاس ۇرپاققا ۇلاعاتتى وي ايتۋىمەن ەرەكشەلەنەدى. الداعى ۋاقىتتا دا سىزگە شىعارماشىلىق تابىس، زور دەنساۋلىق، وتباسىڭىزعا باق- بەرەكە تىلەيمىن» دەلىنگەن نۇرسۇلتان نازاربايەۆ جولداعان جەدەلحاتتا.

پرەزيدەنت قاسىم- جومارت توقايەۆتىڭ قۇتتىقتاۋ حاتىندا جازۋشىنىڭ «قان مەن تەر»، «سوڭعى پارىز» روماندارى قازاق كوركەم ءسوزىنىڭ التىن قازىناسىنا ەنىپ، الەم ادەبيەتىندە وزىندىك ورنى بار رۋحاني قۇندىلىققا اينالعانى جايىندا ايتىلادى. جازۋشىنىڭ جالپى ادامزاتتىق ماسەلەلەردى ارقاۋ ەتكەن شىعارمالارى ارقىلى حالقىمىزدى بۇكىل دۇنيەءجۇزى تانىعانىنا دا توقتالعان.

سالتاناتتى كەشتە ءابدىجامىل نۇرپەيىسوۆكە ق ر مادەنيەت جانە سپورت ءمينيسترى اقتوتى رايىمقۇلوۆا، الماتى قالاسىنىڭ اكىمى باقىتجان ساعىنتايەۆ، قىزىلوردا وبلىسىنىڭ اكىمى قۋانىشبەك ىسقاقوۆ، سونداي- اق بەلگىلى جازۋشىلار مەن جۋرناليستەر جىلى لەبىز ءبىلدىردى.

سونىمەن قاتار، ق ر پارلامەنتى ءماجىلىسىنىڭ ءتوراعاسى نۇرلان نىعماتۋلين مەن ق ر پارلامەنتى سەناتىنىڭ ءتوراعاسى داريعا نازاربايەۆا قۇتتىقتاۋ حات جولدادى.

شىعارماشىلىق كەش كونسەرتتىك باعدارلاماعا ۇلاستى.

اۆتور: الما مۇقانوۆا


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
Мухамедиярова Жанара
Мухамедиярова Жанара
954-049

مۇراعات