قازاقستاندا جىل باسىنان بەرى 950 مىڭ تونناعا جۋىق ەت ءوندىرىلدى

استانا. قازاقپارات - بيىل قازاقستاندىق فەرمەرلەر 948,5 مىڭ توننا ەت ءوندىردى، بۇنىڭ كولەمى ءبىر جىل بۇرىنعى ۇقساس كەزەڭمەن سالىستىرعاندا ورتا ەسەپپەن %0,5 ءوستى، دەپ حابارلايدى قازاقپارات.

اۋىل شارۋاشىلىعى مينيسترلىگىنىڭ مالىمەتىنشە، ەڭ ۇلكەن ءوسىمدى %4,8 بەن جىلقى ەتىنىڭ ءوندىرىسى كورسەتكەن، بۇل 114,1 مىڭ توننا. سونداي-اق قۇس ەتى %2,9 عا ءوسىپ، 239,6 مىڭ توننانى قۇرادى. جىل باسىنان بەرى 400,1 مىڭ توننا سيىر ەتى، 113,7 مىڭ توننا قوي ەتى، شامامەن 61.2 مىڭ توننا شوشقا ەتى ءوندىرىلدى.

«ەت ەكسپورتى بيىلعى قىركۇيەككە قاراي 1 ميلليون دوللارعا 29,7 مىڭ توننا كولەمىنە جەتتى. ەكسپورتتىڭ باسىم بولىگى سيىر ەتىنە تيەسىلى - 13,5 مىڭ توننا، سونداي-اق شەتەلگە 6,7 مىڭ توننا قوي ەتى مەن 9,5 مىڭ توننا قۇس ەتى ساتىلدى»، - دەپ جازدى ۆەدومستۆودان.

يمپورتقا قاتىستى وسىنداي كەزەڭدە الىس جانە جاقىن شەتەلدەردەن بارلىق تۇردەگى 110 مىڭ توننا ەت يمپورتتالدى. يمپورتتىڭ باسىم بولىگى قۇس ەتىنە تيەسىلى، ەلگە شامامەن 97,5 مىڭ توننا اكەلىندى.