بولات وتەمۇراتوۆتىڭ قورى ەلىمىزگە 94 مىڭ سىناما تەست جەتكىزىپ بەردى
نۇر-سۇلتان. قازاقپارات - بولات وتەمۇراتوۆتىڭ قورى ەلگە كوروناۆيرۋستى انىقتايتىن 94 مىڭ سىناما تەست اكەلدى، دەپ حابارلايدى «حابار 24».
نۇر- سۇلتان مەن الماتى قالالارىنىڭ دەنساۋلىق ساقتاۋ باسقارمالارىنا 47 مىڭ دانادان تەڭدەي ءبولىندى. اتالعان ۇيىم بۇل ءۇشىن 200 ميلليون تەڭگە بولگەن. قىتايدا شىعارىلعان سىناما تەست ادام اعزاسىندا ۆيرۋستىڭ بار- جوعىن نەبارى 10 مينۋتتىڭ ىشىندە انىقتايدى.
تەست ەۋروپا پارلامەنتتەرى مەن كەڭەسىنىڭ تالاپتارىنا ساي. ەندى سىنامانى ءبىرىنشى بولىپ ەپيدەميانىڭ ورتاسىندا جۇرگەندەر تاپسىرادى. ولار: مەديتسينا، قۇقىق قورعاۋ ورگاندارىنىڭ ماماندارى، تۇماۋعا شالدىققاندار، سوزىلمالى اۋرۋى بار ادامدار، كوروناۆيرۋس انىقتالعان ازاماتتارمەن بايلانىستا بولعاندار جانە شەتەلدەردەن كەلگەندەر. مىنە، وسى ساناتتاعى ازاماتتار دەنساۋلىق ساقتاۋ مينيسترلىگىنىڭ شەشىمىمەن مەديتسينالىق كومەك كورسەتۋ ستانتسيالارىندا، ستاتسيونارلاردا، باقىلاۋ- وتكىزۋ بەكەتتەرىندە، ءموبيلدى بولىمشەلەردە جانە جەدەل جاردەم كولىكتەرىندە سىناما تەست تاپسىرادى.
ەستەرىڭىزدە بولسا، بولات وتەمۇراتوۆ بۇعان دەيىن «بىرگەمىز» قورىنا 1 ميلليون دوللار اۋدارعان ەدى.
www.24.kz
- جىلقى قىلىنىڭ ەرەكشە قاسيەتى
- ءتىرى كۇيەۋىمدى ۆاكسينادان ءولدى دەپ جالعان اقپارات تاراتقان - مەرۋەرت قوجاقۇلوۆا
- قازاقستاندىق كاسكادەرلەر الەمدەگى ەڭ بەدەلدى سىيلىققا يە بولدى
- قازاقستاندا ءبىر تاۋلىكتە 1548 ادامنان كوروناۆيرۋس انىقتالدى
-
ءبىرقازان نەگە ازايىپ بارادى؟
-
ماسك كومىرقىشقىل گازىن جيناۋ تەحنولوگياسىن ويلاپ تاپقان ادامعا 100 ميلليون دوللار بەرەدى


