سولتۇستىك قازاقستاندا 93 جاستاعى ەڭبەك ارداگەرى كوروناۆيرۋسقا قارسى ۆاكسينا الدى - ۆيدەو

None
None
پەتروپاۆل. قازاقپارات - سولتۇستىك قازاقستان وبلىسىندا 93 جاستاعى ەڭبەك ارداگەرى ەكپە پۋنكتىنە كەلىپ، كوروناۆيرۋسقا قارسى ۆاكسينا الدى، دەپ حابارلايدى قازاقپارات ءتىلشىسى.

س ق و دەنساۋلىق ساقتاۋ باسقارماسى باسپا ءسوز قىزمەتىنىڭ مالىمەتىنشە، قىزىلجار اۋدانى پەتەرفەلد اۋىلىنىڭ 93 جاستاعى تۇرعىنى كوروناۆيرۋس ينفەكسياسىنا قارسى ۆاكسينا الدى. انۋاربەك جاقىپوۆ 1928 -جىلى تۋعان. ەڭبەك ارداگەرى دەنساۋلىعىن ويلاپ، ءارى باسقالارعا ۇلگى بولۋ ءۇشىن ەكپە پۋنكتىنە ءوزى كەلىپتى. قارياعا «Hayat-Vax» ۆاكسيناسى ەگىلدى.

«اعايىندار، ۆاكسينا الۋدان قورىقپاڭىزدار. دەنساۋلىق - زور بايلىق. ۋكولدان قورقۋعا بولمايدى. كەلىڭىزدەر، ەگىلىڭىزدەر! بالا- شاعامىز امان بولسىن»، - دەيدى ەكپە العان قاريا. ۆاكسينا العان انۋاربەك جاقىپوۆ ءوزىن جاقسى سەزىنەتىنىن ايتادى. بۇعان دەيىن س ق و- دا ۇلى وتان سوعىسى ارداگەرىنىڭ كوروناۆيرۋسقا قارسى ەكپە العانىن حابارلاعان ەدىك. جالپى س ق و- دا ۆاكسينانىڭ 1- كومپونەنتىن 90816 ادام السا، تولىق ۆاكسيناتسيادان وتكەندەردىڭ سانى - 62431 ادام.


اۆتور: اقەركە داۋرەنبەك قىزى


سوڭعى جاڭالىقتار