قازاقستان قۇرعاقشىلىق سالدارىنان جىل سايىن 93 ميلليارد تەڭگە جوعالتادى

None
None
نۇر- سۇلتان. قازاقپارات - قازاقستان جىل سايىن قۇرعاقشىلىق سالدارىنان 93 ميلليارد تەڭگە جوعالتادى. بۇل تۋرالى بۇگىن اقوردادا پرەزيدەنتتىك كادر رەزەرۆىنە ەنگەن جاستارمەن كەزدەسۋىندە جاپونيا ۇلتتىق ساياسي زەرتتەۋلەر ينستيتۋتىنىڭ PhD دوكتورانتى زۇلفيا سۇلەيمەنوۆا ايتتى،

دەپ حابارلايدى قازاقپارات ءتىلشىسى.

« مەنىڭ ديسسەرتاتسيام سىرداريا وزەنى باسسەينىندەگى سۋ ىنتىماقتاستىعىنا ارنالعان. بۇل تاقىرىپ قازاقستان ءۇشىن وزەكتى. قازىردىڭ وزىندە ءبىز سۋ تاۋەكەلدەرىمەن بەتپە- بەت كەلىپ وتىرمىز. بۇگىندە سۋ كۇيزەلىسىنىڭ دەڭگەيى 25-تەن 75 پايىزعا دەيىن باعالانادى. قازاقستان جىل سايىن قۇرعاقشىلىق سالدارىنان ورىن الاتىن شولەيتتەنۋ ناتيجەسىندە شامامەن 93 ميلليارد تەڭگە جوعالتادى»، - دەدى ول.

وسى رەتتە ول ەلىمىزدىڭ سۋ جانە ەكولوگيالىق كۇنتارتىبىندە تۇرعان ءبىرقاتار ۇسىنىس جاسادى.

« بىرىنشىدەن، ەكونوميكانىڭ سۋ قامتىمدىلىعىن قىسقارتۋ قاجەت. ءبىز دايىندالۋىنا سۋدىڭ وتە ۇلكەن مولشەرى شىعىندالاتىن تاۋارلار وندىرەمىز. تاپشىلىق ونىڭ جەتىسپەۋشىلىگىنەن عانا ەمەس، سونىمەن قاتار اۋىل شارۋاشىلىعى مەن ەنەرگەتيكا سەكتورىنداعى سۇرانىستىڭ جوعارى بولۋىنان ورىن الىپ وتىر. ەكىنشىدەن، جەراستى سۋىنىڭ لاستانۋىنا جول بەرمەۋ شارالارىن كۇشەيتۋ قاجەت»، - دەدى بولاشاق عالىم.

ونىڭ ايتۋىنشا، اۋانىڭ جانە جەر بەتىندەگى سۋدىڭ لاستانۋىن تومەندەتۋ، اۋىل شارۋاشىلىعىندا زياندى حيميكاتتار پايدالانۋدى ازايتۋ ەسەبىنەن جەراستى سۋلارىنىڭ لاستانۋىن ازايتۋعا بولادى. سيركۋليارلى ەكونوميكا مەن قالدىقسىز ءوندىرىستى دامىتۋدى ىنتالاندىرۋ دا قاجەت.

« ۇشىنشىدەن، حالىقارالىق ىنتىماقتاستىقتى كۇشەيتكەن ءجون. قازاقستان سۋىنىڭ 44 پايىزى ودان تىسقارى اۋماقتا قالىپتاسادى. كەيبىر اۋدانداردا بۇل سيفر 80 پايىزعا جەتەدى. سوندىقتان كورشىلەرىمىزبەن ءتيىمدى ىنتىماقتاستىقتى قالىپتاستىرۋىمىز قاجەت. سەبەبى سۋ - بۇل ءبىزدىڭ ورتاق بايلىعىمىز. تورتىنشىدەن، ءار ادامنىڭ جاۋاپكەرشىلىگى يدەياسىن ىلگەرىلەتۋىمىز قاجەت. بۇل ماسەلەمەن وسى سالانىڭ ماماندارى عانا اينالىسپاۋى ءتيىس»، - دەدى زۇلفيا سۇلەيمەنوۆا.

اۆتور مارلان جيەمباي

سوڭعى جاڭالىقتار