بيىل ەلوردالىقتارعا 93 مەديتسينالىق مەكەمە تەگىن قىزمەت كورسەتەدى
كەلىسىمشارتتار نەگىزىندە ەمدەۋ مەكەمەلەرى تەگىن قىزمەت كورسەتسە، ولاردىڭ اقىسىن مەديتسينالىق ساقتاندىرۋ قورى تولەيدى، دەپ حابارلايدى قازاقپارات.
«قازىرگى تاڭدا ءا م س ق- نىڭ استانا قالاسى بويىنشا فيليالى 2019 -جىلى مەديتسينالىق قىزمەت كورسەتەتىن 93 ەمدەۋ مەكەمەسىمەن كەلىسىمشارت جاساستى. ولاردىڭ 35 ى مەملەكەتتىك، قالعانى جەكەمەنشىك كلينيكالار»، - دەيدى ءا م س ق استانا قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.
مەديتسينالىق ساقتاندىرۋ قورىنىڭ استانا قالاسى بويىنشا بەكىتكەن كەلىسىمشارتتارىنىڭ جالپى سوماسى 90 ميلليارد تەڭگەنى قۇرايدى. بۇل رەتتە ەلوردالىق جەكەمەنشىك مەديتسينالىق ۇيىمدار دا بەلسەندىلىك تانىتىپ وتىر.
ەستەرىڭىزگە سالا كەتسەك، مەديتسينالىق ساقتاندىرۋ قورى 2018 -جىلدان باستاپ تەگىن مەديتسينالىق كومەكتىڭ كەپىلدىك بەرىلگەن كولەمى جانە مىندەتتى الەۋمەتتىك مەديتسينالىق ساقتاندىرۋ پاكەتتەرى بويىنشا ۇكىمەت بەلگىلەگەن شەڭبەردە تۇرعىندار ءۇشىن قىزمەتتەردى ساتىپ الۋشى قارجى وپەراتورى بولىپ تابىلادى. ياعني، حالىققا كورسەتىلەتىن مەديتسينالىق قىزمەت ساپاسى - قور باقىلاۋىندا.