ەلوردادا سەرۋەندەيمىن دەپ شىعىپ، جوعالىپ كەتكەن 92 جاستاعى اقساقال تابىلدى

None
None
نۇر-سۇلتان. قازاقپارات - ەلوردادا سەرۋەنگە شىعىپ، اداسىپ كەتكەن 92 جاستاعى قاريا تابىلدى، دەپ حابارلايدى قازاقپارات Polisia.kz سايتىنا سىلتەمە جاساپ.

بۇگىن ساعات 10:25 كەزىندە پوليتسياعا قالا تۇرعىنى حابارلاسىپ، اكەسىنىڭ تازا اۋا جۇتۋعا اۋلاعا شىعىپ، ۇيگە قايتا ورالماعانىن ايتقان.

اقساقالدى ىزدەۋگە دەپارتامەنتتىڭ جەكە قۇرامى مەن ۆولونتەرلەر جۇمىلدىرىلدى.

كەشكى ساعات 20:20 شاماسىندا ءۋاليحانوۆ-كەنەسارى كوشەلەرىنىڭ قيىلىسىندا كولىكتە كەتىپ بارا جاتقان ەرلى-زايىپتىلار قاريانى بايقاپ قالعان.


ولار بۇعان دەيىن Instagram جەلىسىنەن ادام جوعالعانى تۋرالى حابارلاندىرۋدى وقىعان بولاتىن.

جاس جۇبايلار تەز ارادا كورسەتىلگەن تەلەفون نومىرىنە حابارلاسقان. پوليتسەيلەر كومەگىمەن اتاي امان-ەسەن تابىلىپ، تۋىستارىنىڭ قولىنا تاپسىرىلدى.

ەلوردا پوليتسەيلەرى ءۇنسىز قالماي، اقساقالدى تابۋعا كومەك كورسەتكەن بۇكىل استانالىقتارعا العىس ايتادى.


سوڭعى جاڭالىقتار