ەلىمىزدە 92 قاۋىپتى ينتەرنەت-رەسۋرس انىقتالدى
ينتەرنەت جەلىسىنىڭ قازاقستاندىق سەگمەنتىن «WebTotem» جۇيەسى ارقىلى مونيتورينگىلەۋ ناتيجەسىندە 2018-جىلى قازاقستان رەسپۋبليكاسىنىڭ قورعانىس جانە اەروعارىش ونەركاسىبى مينيسترلىگىنىڭ اقپاراتتىق قاۋىپسىزدىك كوميتەتى (ا ق ك) ماماندارىمەن رەسۋرستىڭ باس پاراعىن اۋىستىرۋ (دەفەيس)، سونداي-اق كريپتوۆاليۋتانى (ماينەر) ءوندىرۋ فاكتىلەرى ورىن العان 92 ۆەب-سايت انىقتالدى.
مىسالعا، وتكەن جىلدىڭ جەلتوقسان ايىندا ا ق ك ماماندارىمەن تەاترىنىڭ سىرتتاي تەاتردىڭ رەسمي سايتىنا ۇقسايتىن جالعان سايتى انىقتالدى. ونىڭ كومەگىمەن قاسكۇنەمدەر جالعان بيلەتتەردى ساتۋمەن اينالىسقان. ا ق ك بۇل ينتسيدەنت بويىنشا بارلىق ماتەريالداردى الاياقتىق قىزمەتتى توقتاتۋ ماقساتىندا رەسۋرس-كلونعا قاتىستى بارلىق قاجەتتى شارالاردى قولدانعان قۇقىق قورعاۋ ورگاندارىنا جولدادى.
«قازىرگى زامان تالاپتارىندا كوميتەتتىڭ نەگىزگى مىندەتى جاڭا اپپاراتتىق-باعدارلامالىق قۇرالداردى قولدانۋ مەن اقپاراتتىق قاۋىپسىزدىك سالاسىنداعى ۇلتتىق زاڭنامالىق بازانى جەتىلدىرۋ بولىپ تابىلادى. تاعى ءبىر ەكپىندى ءبىز تۇرعىندار اراسىنداعى كيبەرقاۋىپسىزدىك مادەنيەتىن كوتەرۋ بويىنشا جۇمىسقا باعىتتايمىز، سونىڭ ىشىندە مەملەكەتتىك قىزمەتشىلەر اراسىندا»، - دەدى اقپاراتتىق قاۋىپسىزدىك كوميتەتىنىڭ ءتوراعاسى دميتري گولوبۋردا.
سونىمەن قاتار، گولوبۋردا «سيفرلىك قازاقستان» مەملەكەتتىك باعدارلاماسى اياسىندا ق ر ۇ ق ك م ت ق نەگىزىندە وسالدىقتار مەن زياندى باعدارلامالىق قامتىلىمداردى زەرتتەۋدىڭ تولىق سپەكترى وندىرىلەتىن سىناق زەرتحانالارى قۇرىلعانى تۋرالى ايتتى.
ايتا كەتسەك، قازاقستان 2016-2017-جىلدار ارالىعىندا اقپاراتتىق قاۋىپسىزدىك رەيتينگىندە 20 ورىنعا (103-دەن 82- ورىنعا) كوتەرىلدى.