ءبىر قىرعىز ءنومىرلى كولىك 91 رەت «سەرگەككە» تۇسكەن

None
None
نۇر-سۇلتان. قازاقپارات - ق ر ىشكى ىستەر مينيسترلىگى اكىمشىلىك پوليتسيا كوميتەتى ءتوراعاسىنىڭ ورىنباسارى سەرىك ءتۇسىپوۆ شەتەلدىك ءنومىرى بار كولىك يەلەرىنىڭ جول ەرەجەسىن بۇزۋ كورسەتكىشتەرى تۋرالى جاڭا مالىمەتتەردى ايتتى، دەپ حابارلايدى قازاقپارات ءتىلشىسى.

«جۇرگىزۋشىلەردىڭ ءتارتىبىن ارتتىرۋدا ەرەجە بۇزۋ وقيعالارىن اۆتوماتتى تۇركەۋ جۇيەسى ەلەۋلى ءرول اتقارىپ وتىر. بۇگىنگى تاڭدا جول ءجۇرۋ ەرەجەسىن بۇزعان جايتتاردىڭ 40 پايىزعا جۋىعى وسى جۇيەنىڭ كومەگىمەن انىقتالادى. جولداردا 13 مىڭنان استام وسىنداي كامەرا ورناتىلعان. ولار جىلدامدىق رەجيمىن ارتتىرۋ، «ستوپ- سىزىق» پەن «تۇتاس جولاقتى» كەسىپ ءوتۋ، تىيىم سالىنعان بەلگىگە ءوتۋ، قوعامدىق كولىكتىڭ جولاعىنا ءتۇسۋ سياقتى زاڭسىزدىقتاردى اۆتوماتتى تۇردە تىركەيدى»، - دەدى ول ۆەدومستۆونىڭ اقپارات الاڭىندا وتكەن ونلاين بريفينگىدە.

ونىڭ مالىمەتى بويىنشا، شەتەلدىك ءنومىرى بار كولىكپەن جۇرگەندەردىڭ جانە ەرەجە بۇزعانداردىڭ جەكە باسىن جەدەل انىقتاۋ ءۇشىن ساقتاندىرۋ دەرەكتەرىنىڭ بازاسىمەن ينتەگراتسيالانعان جۇيە قۇرىلعان. سونىڭ كومەگىمەن جىل باسىنان بەرى شەتەلدەن اكەلىنگەن كولىكتەردىڭ ۇستىنەن 460 مىڭعا جۋىق زاڭبۇزۋشىلىق اۆتوماتتى رەجيمدە انىقتالعان.

«بۇل ساناتتاعى جول قوزعالىسىنا قاتىسۋشىلاردىڭ تارتىبىنە قاتىستى ماسەلە بار. مىسالى، شىعىس قازاقستان وبلىسىندا 182 مىڭ تەڭگەنىڭ 25 ۇيعارىمى راسىمدەلگەن Lexus انىقتالدى. ىشكى ىستەر قىزمەتكەرلەرىنىڭ ارالاسۋىمەن بۇكىل ايىپپۇل تولەندى. قوستاناي وبلىسىندا «ۆاز» ماركالى ءبىر كولىككە 478 مىڭ تەڭگەنىڭ ايىپپۇلى جازىلعان 51 ۇيعارىم راسىمدەلگەن. تاعى وسى وڭىردە قىرعىز رەسپۋبليكاسىندا تىركەۋدە تۇرعان Toyota Estimo كولىگىنە 91 رەت جول قاۋىپسىزدىگىن بۇزعانى ءۇشىن 1,1 ميلليون تەڭگە ايىپپۇل سالىنىپ، تۇگەل ءوندىرىلدى. پاۆلودار وبلىسىندا رەسەيدە تىركەۋى بار Hunday اۆتوموبيلىنىڭ يەسى 69 رەت جول ەجەرەسىن بۇزىپ، 751 مىڭ تەڭگە ايىپپۇل تولەدى»، - دەدى ءى ءى م وكىلى.

اۆتور: ەسىمجان ناقتىباي

سوڭعى جاڭالىقتار