قىتايدان كەلگەن 91 جاستاعى اجە ازاماتتىق الدى
ەل ىشىندەگى اۋمالى- توكپەلى زاماندا 1932 -جىلى 5 جاسىندا اتا- اناسىمەن قىتاي حالىق رەسپۋبليكاسىنا قونىس اۋدارادى، دەپ حابارلايدى قازاقپارات «وتانداستار قورى باسپا ءسوز قىزمەتىنە سىلتەمە جاساپ.
اتا- اناسى قىتاي ەلىنىڭ بۇراتالا وبلىسى، اراسان اۋدانىندا اۋىل- شارۋشىلىعى سالاسىندا ەڭبەك ەتكەن. 1947 -جىلى تەگىسباي ىبىرايىم ۇلىنا تۇرمىسقا شىعادى. «بالا باۋىر ەتىڭ» دەگەندەي، 4 ۇل، 5 قىزىنان 40 استام نەمەرە- شوبەرە كورگەن. تاعدىر جازۋىمەن اتاجۇرتتان الىس كەتكەن كەيۋانانىڭ ارمانى ەلگە ورالۋ بولعان. قازاقستانعا العاش رەت جولداسى تەگىسباي ىبىرايىم ۇلىمەن 2004 -جىلى كەلىپتى. 2006 -جىلى وتاعاسى ومىردەن ءوتىپ، ەلگە كەلۋىنە قيىندىق تۋادى. اراعا جىلدار سالىپ وتباسىمەن ەلگە كوشىپ كەلەدى. وسى تۇستا كامال اجە قۇجات جاساتۋ جاعىنان قيىندىققا ۇشىرايدى. سەبەبى ەلىمىزدە شەتەلدەن كەلگەن ازاماتتارعا قۇجات جاساتۋدىڭ وزىندىك ءتارتىبى بار. اتاپ ايتساق، تۋۋ تۋرالى كۋالىك بولۋى جانە پاسپورتتا تەگى كورسەتىلۋى كەرەك. وسى ەكى سەبەپپەن ءبىراز ۋاقىت قۇجاتىن جاساتا المايدى. وسى ورايدا «وتانداستار قورى» كامال اجەنىڭ ماسەلەسىن قولعا الىپ، ءتيىستى مەكەمەلەردىڭ كومەگىمەن ازاماتتىق كۋالىگىن الىپ بەردى. عاسىرعا جۋىق جاساعان اجەنىڭ ولارعا ايتار العىسى شەكسىز.