اتىراۋدا قاتتى جەلگە بايلانىستى 91 مەتر بيىكتەگى تۋدى الىپ تاستادى
بۇعان دەيىن اتىراۋدا بيىكتىگى 91 مەترلىك تۋتۇعىر ورناتىلعان بولاتىن. ۇزىندىعى 80 مەترلىك تۋتۇعىر كومپوزيتسياسى دوعا ءپىشىندى ەتىپ جاسالعان. كومپوزيتسيانىڭ ورتا تۇسىندا قازاقستان رەسپۋبليكاسىنىڭ كارتاسى، جوعارى جاعىندا ەلتاڭبا، ال شەتكى بولىگىنە ءانۇران جازىلعان.
كونۋس ءپىشىندى تۋتۇعىرعا كولەمى 29x 14,5 مەتر بولاتىن تۋ ىلىنگەن ەدى.
وبلىستىق ىشكى ساياسات باسقارماسىنىڭ باسشىسى قانات ءازمۇحانوۆتىڭ ايتۋىنشا، قالادا جەل ەكپىنى كۇشەيگەندىكتەن، تۋتۇعىرداعى بايراقتى الىپ تاستاۋعا شەشىم قابىلدانعان.
«مەملەكەتتىك تۋعا اسا قاستەرلى ءرامىز رەتىندە ەرەكشە نازار اۋدارۋ كەرەك. سول سەبەپتەن، تۋدى تۋتۇعىردان الىپ تاستاۋ تۋرالى شەشىم اۋا-رايىنىڭ قولايسىزدىعىنا بايلانىستى بولىپ وتىر»، - دەيدى قانات ءازمۇحانوۆ.
ونىڭ ايتۋىنشا، اۋا-رايى تۇراقتالعاننان كەيىن تۋ قايتادان ىلىنەدى.
