+7 (701) 759 90 19
15 °С : نۇر-سۇلتان
22 °С : الماتى
USD 397.56 EUR 445.94
RUB 5.82 CNY 55.96
جاڭالىقتار

تارازدا ءۇندىستاننان كەلگەن 91 قازاقستاندىق كارانتينگە جاتقىزىلدى

4 ءساۋىر 12:11
:ءبولىسۋ
تارازدا ءۇندىستاننان كەلگەن 91 قازاقستاندىق كارانتينگە جاتقىزىلدى

تاراز. قازاقپارات - جۇما كۇنى ساعات 22.30-دا «اۋليە - اتا» حالىقارالىق اۋەجايىنا دەلي- تاراز باعىتىنداعى ۇشاق كەلىپ قوندى. ونىڭ بورتىندا 106 ادام، ونىڭ ىشىندە 91 قازاقستان ازاماتى جانە 15 قىرعىزستان ازاماتى بولدى، - دەپ حابارلايدى قازاقپارات وبلىس اكىمىنىڭ باسپا ءسوز قىزمەتىنە سىلتەمە جاساپ.

بارلىق جۇمىلدىرىلاتىن قىزمەتتەرگە الدىن الا ەسكەرتىلىپ، جولاۋشىلاردى قابىلداۋعا دايىندالدى. قاۋىپسىزدىك ماقساتىندا ارنايى كيىم كيگەن مەديتسينا قىزمەتكەرلەرى ءار جولاۋشىنى مۇقيات تەكسەرىپ شىقتى. تىكەلەي ۇشۋ جولاعىنان كەلگەندەردىڭ بارلىعى اۆتوبۋستارعا وتىرعىزىلدى. مەديتسينالىق جانە پوليتسيا قىزمەتكەرلەرىنىڭ ەرىپ جۇرۋىمەن ولار كارانتيندىك ستاتسيونارعا جەتكىزىلىپ، جاتقىزىلدى. دەنە قىزۋلارىنىڭ كوتەرىلۋىنە بايلانىستى ق ر ەكى ازاماتى پروۆيزورلىق ستاتسيونارعا ورنالاستىرىلدى. بارلىق جولاۋشىلاردان تالداۋلار الىنىپ، زەرتحانالىق زەرتتەۋگە جىبەرىلدى. تەرىس ناتيجە بولعان جاعدايدا ولاردى تۇرعىلىقتى جەرى بويىنشا 14 كۇندىك ءۇي كارانتينىنە الىنادى. سونداي- اق، جولاۋشىلاردىڭ بارلىق جەكە زاتتارى، اۆتوبۋستار مەن جەدەل جاردەم كولىگى وڭدەۋدەن ءوتتى. ال، قىرعىزستان رەسپۋبليكاسىنىڭ ازاماتتارى ارنايى اۆتوكولىكپەن ءوز وتانىنا جونەلتىلدى.

اۆتور: قاجى مۇرات


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات