15:31, 18 - مامىر 2019 | GMT +6
سۋرەتشى دجەفف كۋنستىڭ «كوجەك» ءمۇسىنى 91 ميلليون دوللارعا ساتىلدى
نۇر-سۇلتان. قازاقپارات- امەريكالىق سۋرەتشى دجەفف كۋنستىڭ «كوجەك» دەپ اتالاتىن ءمۇسىنى اۋكتسيوندا 91 ميلليون 100 مىڭ دوللارعا ساتىلدى. ءسويتىپ، كوزى ءتىرى قىلقالام شەبەرلەرىنىڭ اراسىندا رەكوردتى جاڭارتتى.
«كريستيس» ساۋدا ءۇيىنىڭ ءباسساۋداسى نيۋ- يوركتە ءوتتى. 1986 -جىلى بولاتتان جاسالعان ءمۇسىن ءۇشىن سايىس 10 ساعاتتان استام ۋاقىت جالعاستى. اقىرىندا بىرەگەي تۋىندىنى ارت- ديلەر، ا ق ش قارجى ءمينيسترىنىڭ ستيۆەن منۋچيننىڭ اكەسى روبەرت منۋچين ساتىپ الدى.
ايتا كەتەيىك، بۇعان دەيىن كوزى ءتىرى سۋرەتشىلەر اراسىنداعى رەكورد دەۆيد حوكنيگە تيەسىلى بولعان. ونىڭ «سۋرەتشى پورترەتى. ەكى فيگۋرا مەن باسسەين» كارتيناسى 1972 -جىلى 90 ميلليون 200 مىڭ دوللارعا ساتىلعان.