07:19, 22 - قاڭتار 2019 | GMT +6
قۇبىر جەلىسىندەگى جارىلىس قۇرباندارىنىڭ سانى 91 ادامعا جەتتى
استانا. قازاقپارات - مەكسيكاداعى يدالگو شتاتىندا قۇبىر جەلىسىندە بولعان جارىلىس پەن ءورت سالدارىنان قۇربان بولعانداردىڭ سانى 91 ادامعا جەتتى،
دەپ حابارلايدى قازاقپارات جەرگىلىكتى El Sol de Mexico باسىلىمىنا سىلتەمە جاساپ.
شتات گۋبەرناتورى ومار فايادتىڭ سوزىنە قاراعاندا، زارداپ شەككەن 50 ادامنىڭ جاعدايى اۋىر. سوندىقتان كوز جۇمعاندار سانى «ءوسۋى» مۇمكىن.
ەسكە سالا كەتسەك، وقيعا 18 - قاڭتاردا Pemex كومپانياسىنىڭ قۇبىر جەلىسىن زاڭسىز تەسكەن ورىندا بولدى. جارىلىس كەزىندە 350-دەن استام جەرگىلىكتى تۇرعىن اققان جانارمايدى كانيسترلەرىنە قۇيىپ الىپ جاتقان.