شىعىس قازاقستاندا ك س ر و پاسپورتىمەن تۇرىپ جاتقان 90-نان استام ادام انىقتالدى

None
None
وسكەمەن. قازاقپارات - شىعىس قازاقستان وبلىسىندا 1974 -جىلعى ك س ر و پاسپورتىمەن تۇرىپ جاتقان 90-نان استام ادام انىقتالدى، دەپ حابارلايدى قازاقپارات ءتىلشىسى.

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى 1974 -جىلعى ك س ر و پاسپورتىن ۋاقىتىلى اۋىستىرماعان ادامداردىڭ قۇقىقتىق مارتەبەسىن رەتتەۋ بويىنشا جۇمىس جۇرگىزۋدە.

جىل باسىنان بەرى ەسكى قىزىل پاسپورتپەن جۇرگەن 90-نان استام ازامات انىقتالدى. ولاردىڭ ءبىرى 1983 -جىلى رەسەي فەدەراتسياسىنان كوشىپ كەلگەن 54 جاستاعى شەمونايحا اۋدانىنىڭ تۇرعىنى. ول 16 جاسقا تولعاننان كەيىن 1974 -جىلعى ك س ر و پاسپورتىن العان.

«شەمونايحا اۋدانى پوليتسيا ءبولىمى كوشى- قون قىزمەتى بولىمشەسىنىڭ قىزمەتكەرلەرى ادام قۇقىقتارى جانە زاڭدىلىقتى ساقتاۋ جونىندەگى حالىقارالىق بيۋرونىڭ شىعىس قازاقستان وبلىستىق فيليالىنىڭ زاڭگەرىمەن بىرلەسىپ، وسكەمەن قالاسىنداعى رەسەي فەدەراتسياسىنىڭ باس كونسۋلدىعى ارقىلى شەت مەملەكەت ازاماتتىعىنىڭ جوقتىعى تۋرالى قاجەتتى اقپاراتتى الۋعا كومەك كورسەتتى. بۇگىنگى تاڭدا ەر ادام كوپتەن كۇتكەن قۇجاتتى الدى. ەندى ول بارلىق مەملەكەتتىك قىزمەتتەردى پايدالانا الادى»، - دەلىنگەن اقپاراتتا.

وسى رەتتە، پوليتسەيلەر قانداي دا ءبىر سەبەپتەرمەن جەكە باسىن كۋالاندىراتىن قۇجاتتارى جوق ازاماتتارعا تۇرعىلىقتى جەرى بويىنشا كوشى- قون قىزمەتىنە حابارلاسۋعا شاقىردى.

فوتو: miemigration.ru

اۆتور تالعاتجان مۇحامەتبەك ۇلى

سوڭعى جاڭالىقتار