ەكى ادامدى قاعىپ ولتىرگەن 90 جاستاعى ەكس-شەنەۋنىككە تاعايىندالعان تۇرمە جازاسى اياقتالدى

None
None
توكيو. kyodo-قازاقپارات - 2019-جىلى توكيودا ادام ولىمىمەن اياقتالعان جول اپاتى ءۇشىن سوتتالعان 90 جاستاعى بۇرىنعى جوعارى شەندى شەنەۋنىكتىڭ بەس جىلدىق تۇرمە جازاسى جۇما كۇنى اياقتالدى، دەپ حابارلايدى قازاقپارات kyodo اگەنتتىگىنە سىلتەمە جاساپ.

سوت ۇكىمى بويىنشا، 2019-جىلعى 19 - ساۋىردە توكيوداعى يكەبۋكۋرو اۋدانىندا كودزو يدزۋكانىڭ تەجەگىشتى گاز پەدالىمەن شاتاستىرىپ الىپ، باعدارشامنىڭ قىزىل تۇسىنە ءوتىپ كەتىپ، جاياۋ جۇرگىنشىلەر وتكەلىندە ۆەلوسيپەدپەن كەلە جاتقان 31 جاستاعى مانۋ ماتسۋناگۋ مەن ونىڭ 3 جاسار قىزى ريكونى قاعىپ ولتىرگەن.

وقيعا سالدارىنان تاعى توعىز ادام جاراقات الدى. ەندى پروكۋراتۋرا وزدىگىنەن جۇرە المايتىن، مۇگەدەكتەر ارباسىنا تاڭىلعان يدزۋكانىڭ جاسى مەن دەنساۋلىق جاعدايىن ەسكەرە وتىرىپ، تەمىر توردىڭ ار جاعىندا ۋاقىت وتكىزەتىنىن-وتكىزبەيتىنىن زەرتتەيدى.

جاپونيانىڭ قىلمىستىق ءىس جۇرگىزۋ زاڭى 70 جاستان اسقان سوتتالعاندارعا، سونداي-اق دەنساۋلىعىنا ەلەۋلى زيان كەلتىرۋ نەمەسە ءولىم قاۋپىمەن بەتپە-بەت كەلگەندەرگە جازانى توقتاتا تۇرۋعا مۇمكىندىك بەرەدى. يزۋكا وعان تاعىلعان ايىپ بويىنشا كىناسىن مويىنداعان جوق.

ول كولىك قۇرالىنداعى مەحانيكالىق پروبلەماعا بايلانىستى كولىكتى باسقارا الماي قالعانىن ءمالىم ەتكەن.

الايدا، سوت ونىڭ گاز پەدالىن تەجەگىش دەپ شاتاستىرىپ، ونى شامامەن 10 سەكۋند باسىپ تۇرعانىن، سالدارىنان كولىكتىڭ جىلدامدىعى 96 ك م/ساعاتقا جەتكەنىن انىقتادى.

ول ولىمگە اكەلگەن جول اپاتى ءۇشىن كىنالى دەپ تانىلدى. سونداي-اق سوت يدزۋكانىڭ جاسىن ەسكەرە وتىرىپ، بەس جىلعا باس بوستاندىعىنان ايىرۋعا شەشىم قابىلداعان بولاتىن.

سوڭعى جاڭالىقتار