+7 (701) 759 90 19
USD 425.95 EUR 495.12
RUB 6 CNY 66.6
جاڭالىقتار

اتىراۋ حالقىنىڭ 90 پايىزعا جۋىعى ۆاكسينانىڭ ءبىرىنشى كومپونەنتىن الدى

17 قىركۇيەك 14:51
:ءبولىسۋ
اتىراۋ حالقىنىڭ 90 پايىزعا جۋىعى ۆاكسينانىڭ ءبىرىنشى كومپونەنتىن الدى

نۇر-سۇلتان. قازاقپارات - بۇگىندە اتىراۋ وبلىسىندا تۇرعىنداردىڭ 86 پايىزى ۆاكسينانىڭ ءبىرىنشى، 76 پايىزى ەكىنشى كومپونەنتىن الىپتى.

بۇل تۋرالى اتىراۋ وبلىسى اكىمىنىڭ ورىنباسارى باقىتگۇل حامەنوۆا ءمالىم ەتتى، دەپ حابارلايدى قازاقپارات ءتىلشىسى.

«ەلىمىزدە جاپپاي ەكپە الۋ ءجۇرىپ جاتقانىمەن، قوعامدا وعان قارسى ادامدار ءالى دە كوپ. وزدەرى باس تارتىپ قانا قويماي، حالىقتى كەرى ۇگىتتەپ وتىر. مۇنداي ادامدار ءوزىنىڭ عانا ەمەس، وزگەنىڭ ءومىرى ءۇشىن دە جاۋاپ بەرەتىنىن تۇسىنۋگە ءتيىس. وسى ورايدا «ەكپە الۋعا قارسى ۇگىتتەپ جۇرگەندەردىڭ جەتەگىندە كەتپەگەن ءجون» دەپ اتاپ وتكەن ەدى مەملەكەت باسشىسى. بۇگىنگى كۇنى ءبىزدىڭ وبلىستا ۆاكسينانىڭ I كومپونەنتىن 215357 (%86) ادام الدى، II كومپونەنتى 166570 ادامعا (%76) سالىندى. بۇل - وبلىس بويىنشا جالپى ەكپەگە الۋعا جاتاتىن تۇرعىنداردىڭ %71,8. قازىر وبلىستا 59 ۆاكسينا بەكەتى جۇمىس ىستەپ تۇر، ونىڭ 10-ى - جىلجىمالى»، - دەدى باقىتگۇل حامەنوۆا و ك ق- دە وتكەن باسپا ءسوز ءماسليحاتىندا.

ونىڭ ايتۋىنشا، بيىل اقپان ايىنان بەرى وڭىرگە ۆاكسينانىڭ I كومپونەنتىنىڭ 248330 دوزاسى جانە II كومپونەنتتىڭ 216790 دوزاسى جەتكىزىلگەن.

«قالا جانە اۋداندارداعى ەكپە الۋ بويىنشا كۇندەلىكتى جوسپار بەكىتىلىپ، رەيتينگ جاسالىپ وتىر. ۆاكسيناتسيا بويىنشا اقپاراتتىق ءتۇسىندىرۋ ءۇشىن قالا جانە اۋدان اكىمدىكتەرى مەديتسينا قىزمەتكەرلەرىمەن بىرلەسىپ، كۇندەلىكتى اۋلالاردى ارالايدى. ودان بولەك، وڭىردەگى ۆاكسيناتسيا كورسەتكىشىن جاقسارتۋ ماقساتىندا ساۋدا ۇيلەرى مەن ويىن-ساۋىق ورتالىقتارىندا ءتۇرلى شارالار ۇيىمداستىرىلۋدا»، - دەيدى ول.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات