قازاقستان وقۋشىلارى حالىقارالىق جاۋتىكوۆ وليمپياداسىنان 90 مەدال جەڭىپ الدى

نۇر- سۇلتان. قازاقپارات - الماتىداعى رەسپۋبليكالىق فيزيكا- ماتەماتيكا مەكتەبىندە مامانداندىرىلعان ءبىلىم ۇيىمدارىنىڭ وقۋشىلارىنا ارنالعان ماتەماتيكا، فيزيكا جانە ينفورماتيكا پاندەرىنەن XVII حالىقارالىق جاۋتىكوۆ وليمپياداسى ونلاين فورماتتا ءوتتى، دەپ حابارلايدى قازاقپارات.

ءبىلىم جانە عىلىم مينيسترلىگىنىڭ مالىمەتىنشە، وليمپياداعا اۋستراليا، ازەربايجان، ارمەنيا، بەلارۋس، بولگاريا، گرۋزيا، دانيا، ءۇندىستان، يندونەزيا، يران، قىرعىزستان، موڭعوليا، رەسەي، رۋمىنيا، سەربيا، تاجىكستان، تۇركىمەنستان، تۇركيا، وزبەكستان جانە ۋكراينا ەلدەرىنەن 146 كوماندا قۇرامىندا 1 مىڭنان استام وقۋشى قاتىستى. باسەكە قورىتىندىسى بويىنشا قازاقستاندىق وقۋشىلار 90 مەدال جەڭىپ الدى: ونىڭ 13، التىن، 37- ءسى - كۇمىس جانە 40 قولا مەدال. وليمپيادا ناتيجەسى بويىنشا 500 قاتىسۋشى جۇلدەگەر اتاندى. ءبىلىم جانە عىلىم مينيسترلىگى وليمپيادا جۇلدەگەرلەرىن، ولاردىڭ اتا- اناسى مەن مۇعالىمدەردى جەڭىسىمەن قۇتتىقتادى.