قازاقستاندا كوروناۆيرۋستى انىقتايتىن تەستەن وتكىزۋ قۋاتتىلىعى تاۋلىگىنە 90 مىڭعا جەتتى

نۇر- سۇلتان. قازاقپارات - قازاقستاندا كوروناۆيرۋس بويىنشا تەستتەن وتكىزۋ قۋاتتىلىعى تاۋلىگىنە 90 مىڭعا جەتتى.

بۇل تۋرالى ق ر دەنساۋلىق ساقتاۋ ءمينيسترى الەكسەي سوي ءمالىم ەتتى، دەپ حابارلايدى قازاقپارات ءتىلشىسى.

«بۇگىنگى كۇنى قازاقستاندا كوروناۆيرۋس ينفەكسياسىن انىقتاۋ ماقساتىندا 4 ميلليونعا جۋىق زەرتتەۋ (تەست) جۇرگىزىلدى. تەستەن وتكىزۋ تاۋلىگىنە 90 مىڭعا دەيىن جەتتى. كۇن سايىن زەرتحانالار 40 مىڭعا تارتا ادامدى كوروناۆيرۋس ينفەكسياسى بويىنشا تەستتەن وتكىزىپ جاتىر»، - دەدى الەكسەي سوي ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

مينيستر وسىلايشا زەرتحانالاردىڭ رەزەرۆتىك قۋاتتىلىعى 50 مىڭ زەرتتەۋگە دەيىن جەتكىزىلەتىنىن ءمالىم ەتتى. بۇل - حالىقتى تولىققاندى تەستتەن وتكىزۋ مۇمكىندىگىنە جول اشادى.

اۆتور: ايان بەكەن ۇلى